CHAPTA I.       467

1 PAL, Chisvs Klaist in tishu, apostel toba kvt, Chiho-
wa im vbanumpa isht vtta hi osh vlhtoka tok vt,
2 Yvmma tikba pilla kash o Chihowa hvt Holisso Holi-
topa yak o i hopaii vhleha ha isht ai anohonli kvt,
3 Ilap Ushi Chisvs Klaist hvpin Chitokaka, yvmmvt
haknip imma hokvno Lewi isht atiaka yo isht atoba kak atok;
4 Micha shilombish holitopa hokvno illi tuk osh falamvt
tani kak osh Chihowa Ushi nan im ai ahli fehna kvt isht
otaiyani ai okluha tok:
5 Yvmmak atuk pulla mak o isht ai i kana, micha vba-
numpa isht-ai vtta vlhtoka aiena ka il ai eshi ka, oklushi mo-
yuma kvt vbanumpa ha im antia na ilap hohchifo hvt isht a
holitopa hi atok:
6 Yvmmak o ibai achvfvt Chisvs Klaist a im a hvchi
vlhtohoka tok:
7 Lom aiasha moyuma Chihowa i holitopa, vbanumpuli
tohomba tok moyuma ka Piki Chihowa, micha Chitokaka
Chisvs Klaist ita tuklo nan isht i kana, micha nan isht it i
nanaiya ita tuklo kvt hvchi anukfoyukashke.
8 Vmmona ka Chisvs Klaist ak atuk mak o hvsh moyu-
ma ka hvch ithaiyanvt, na hvchi yimmi hoka annohowvt

yakni moyuma ka a hlopulli kak o, an Chihowa ya yak oke,
pit im ai ahni li hoke.
9 Yohmi ka yvmmak oka ilap Ushi im vbanumpa hak o
ai isht sa shilombish oka isht in toksahanli li kvt, anumpa
ilbvsha anumpuli li puta kvt pit hvch ithaiyana bieka hosh,
isht hvchi anumpohonli li kvt ak isso kamohmi hoka, Chiho-
wa yak osh nan atokowa si anoli yoke.
10 Himak a yohma he yoba tuk o nitak vt ik hopako kia
achukma biekvt ayvt, Chihowa yak osh ai ahni pulla na hv-
chim ona la he ak osh asihihla lishke.
11 Yohmi ka hvchi pisa sa bvnna fehna kvt, shilombish
isht im achukma he yak o hvchi hopela li, nana ka isht hv-
chi hlampka hi atok.
12 Ilvppvt nana ka hvch ibai yukpa li hokbano, na yim-
mi bika pia hatuk oka, achi li hoke.
13 Yohmi ka itibapishi li vhleha ma! hvch im ona la hi
okvt himonna vm anukfihinla kvt, nan-vni kaniohmi ka hvch
itintakla ya ai ishi li kvt, Chentail inla vhleha ha ai ihishi
li tok a chiyuhmi ak inlikbano ahni li tuk kia, si ataklama
na himak a hvch ik ithano ka he ai ahni li keyu hoke.
14 Klik, micha Bvlbaha vhleha, nan ithana, nan ik itha-
no aiena ka vbanumpa ha isht im anumpohonli la he vm vlh-
pisa hoke.
15 Yohmi hoka, vno yokvto Lom hvsh ai asha kak kia,
vbanumpa isht hvchim anumpohonli la chi kvt vm vlhtaha
hoke.
16 Yohmi ka Klaist im vbanumpa ha i sa hofahya ho
keyu hoke: yohmi ka yvmmak okvt Chihowa nan im ai ahli
pulla hatuk ak o kvna hosh yimmi puta hokvto isht ai ok-
chaya hoke; vmmona ka Chu hak osh ai yvmohmi ho, anonti
Klik vt ai yvmohmi ak inlishke.
17 Yohmi ka yvmmak o na yimmi ak atuk pulla kak o
Chihowa i nan isht okchalinchi yvt na yimmi vhleha ha im
otaiyani hoke; holihiso kvt, Ai-vlhpiesa yokvto na yimmi
pulla kak osh isht okchaya hi oke, achi hoka.
18 Yohmi ka Chihowa vba yakni binili nan isht i nukkilli
yvt hatak vt Chihowa ik holitoblo, micha nan ai vlhpiesa

CHAPTA I.       469

keyu yvmohmi puta kvt anumpa ai ahli ka ataklvmmi kak o
onvtuyula hosh otaiyani hoka.
19 Yohmi ka Chihowa imma ka isht ithvna hinla ka ilap
inli kvt isht otaiyani hoka, Chihowa yak osh i haiakvchi ha-
tuk oka.
20 Yohmi ka yakni, micha nan okluha vba ai asha kvt
toba tok takla ka nana nishkin isht pisa he keyu Chihowa
immi puta ka akostininchi fehna kvt nan okluha tohomba
tok a Chihowa nan okluha im ai ahli, micha okchayvt bilia
yoka isht akostininchi hatuk osh nan isht a miha hi vt ik im
ikshoshke.
21 Yohmi ka Chihowa yoka ithana ha yokvt, Chihowa
chohmichit ik holitoblo kish, yak oke ik im ai ahno, amba
im anukfila kvt nan isht ik ahobo tobvt, chukvsh anukfila
iksho yvt okhlilit kvnia tok.
22 Yvmmvt hopoyuksa ilahobi hosh ik hopoyukso toba
tok.
23 Micha Chihowa illa he keyu isht a holitopa ya kan-
chit na holbvt toba hatak illa he, micha hushi, micha nam-
poa iyi ushta, micha nana balali puta aiena ka holbvt toba
ho holitobli tok.
24 Yvmohmi hatuk ak o Chihowa hokvt ilap inli chu-
kvsh okpulo nan ai ahni puta kak atuk mak o na liteha ya
a yvmohmit, ilap haknip puta kash inli isht ik iti hofahyalí,
im ai ahni tok ak inlishke:
25 Yohmi ka yvmmvt Chihowa i nan ai ahli yoka holabi
yo isht ai ikbi cha, natoba yak o aiokpvchit, in toksahanli
kvt Nan ikbi ya i shahlichi tok: yvmmak okvto holitopvt
bilia yoke. Amen.
26 Ilvppak atuk pulla kak o Chihowa hvt ant ik yvmoh-
mí ai ahni ho, haui isht ile hofahyali ilaiyuka ka ai yvmoh-
mi tok. Yohmi kvt ohoyo hak kia nana ka ai yvmohma he
atuk ash o ai inlvchit, ohoyo hvt ai yvmohma he atuk keyu
ka yvmohmi tok.
27 Mihma nakni yak kia ohoyo hak o ai yvmohma he
atuk vt issa cha, it i haui anukfilli kvt luhuwa fehna mvt,
nakni vt nakni bika ka isht a hofahya yak o it i yvmihinchi

hosh, ilap nan ai ashvchika isht vlhtoba ai vlhpiesa mak o
ilap ash inli hosh ihishi tok.
28 Micha Chihowa hoka ithaiyana ka ik bvnno hatuk
oka, Chihowa hvt ant ik yvmohmí ai ahni ho, im anukfila
okpulo yoka nan isht ai ahni hosh, nan isht a hofahya he
puta ka yvmihinchi tok.
29 Yohmi hosh nan ai vlhpiesa keyu, itin lumaka, nan
okpulo anukfilli, nan anushkunna, inla chukvsh hotopali
bvnna, nan it i potvnno, hatak bika vbi, itachowa, it i hak-
sichi, nan isht i nukkilli, inla lumvt na mihachi aiena ka isht
ai alotowvt kvnia hatuk osh,
30 Inla ya ashakachit na mihachi puta, Chihowa i nuk-
killi vhleha, na hofahyalit isht anumpuli, ilefehnvchi, ilauata,
nan isht ik achukmo puta ihikbi, iki, ishki ita tuklo ik im
antio,
31 Nan im anukfila iksho, nan it im vlhpisa kobvffit
shahli, im vlla i hullo ik im iksho, it i hopohla himma keyu,
it i nukhaklo ik im iksho:
32 Yvmmak okvt Chihowa i nan vlhpisa yvt, kvna hosh
nana yvmma chiyuhmi ka yvmihinchi hokvt isht ai illa he
vlhpiesa achi ka ithana kia; yvmma yvmihinchi kak bano
keyu, amba kvna hosh yvmihinchik mak o isht im ai achuk-
ma hoke.

1 YVMOHMI ka kvna chia hoh kia inla anumpa ish
onochikmvt, nan isht ile mihacha hi vt ik chim ikshoshke,
hatak chia ma! kvna chia hosh inla anumpa ish onochi hok-
mvt, nana yvmmak ash inli ho ish ai yvmohmi chatuk okvt;
nana ho inla ya ish onochi kvt, chishno yash inli hosh an-
umpa ish il onochi hoke.
2 Yohmi kia ilvppa chiyuhmi yvmihchi puta hokvno

CHAPTA II       471

Chihowa yokvt ai ahli mak o nan vlhpisa ya onochi hoka il
ithaiynvshke.
3 Yohmi ka hatak chia ma! nana yvmma yvmihinchi
puta ka anumpa ish onochi mvt, yvmmak ash inli ho ish
yvmihinchi kvt, Chihowa i nan vlhpisa ya ish ai i hlakofa
hinla, chim ahoba cho?
4 Micha Chihowa isht chi kana ya isht ish ile kostinin-
cha he atuk vt chik ithaiyano hosh, isht chi kana fehnvt,
chim ile salalit, na palvmmi chi onocha hi osh ile halanli
aiena ka ish shitelama cho?
5 Amba chi chukvsh kvllo nan ai ashvchika isht nuk-
haklo keyu yak o ish iakaiya hosh, Chihowa yokvt nan ai
vlhpiesa apesa ka otaiyana he, micha ai ilbvsha nitak vt otai-
yanikma, a chilbvsha hi vt ish il im itvnahanlishke.
6 Yvmmak okvto hatak puta kvt ilap nana kaniohmi tok
ak o isht ai im atobba hi oke.
7 Yohmi kvt kvna hosh nuktaiyalvt achunanchit nan
achukma yvmohmi kvt, isht a holitopa, micha isht annoa
achukma, micha isht ai illa he keyu hohoyo hokvno isht ai
okchaya bilia he im apesa hi oke.
8 Amba kvna hosh Chihowa ya i sanali, micha anumpa
ai ahli ik holitoblo hosh, amba nan ai vlhpiesa keyu a yvm-
ohmi yokvno, isht i nukkilli chinto kvt onvtuyula hi oke,
9 Micha hatak nan ik achukmo yvmihchi puta hokvno
isht ai ilbvsha, micha isht anukhvmmi aiena hosh onvtuyula
kvt; Chu ak o tikba onvtuyula cha, Chentail ak kia onvtu-
yula hi oke:
10 Amba isht a holitopa, micha isht annoa achukma,
micha isht it i nanaiya aiena hosh hatak nana achukma yv-
mihinchi puta hokvno onvtuyula he; yohmi kvt Chu ak o
tikba onvtuyula cha, Chentail ak kia onvtuyula hi oke;
11 Yohmi ka Chihowa hokvto hatak puta ka it i shah-
shohlichi kvt ik im iksho hoke.
12 Yohmi ka laua kaniohmi hosh vba nan vlhpisa yvt
ik im iksho hosh nan ashahanchi hokvto, vba nan vlhpisa
iksho ho ai okpulo kvt kvnia mak inla he; mikma laua kan-
iohmi hosh vba nan vlhpisa yvt in tonla hosh nan ashahan-

chi hatuk mvt, vba nan vlhpisa yak o nan isht ai im vlhpisa
hi oke:
13 Yohmi ka vba nan vlhpisa ya haklo vhleha hak osh
Chihowa itikba ya isht ai vlhpiesa ho keyu, amba vba nan
vlhpisa ya yvmihinchi vhleha hak osh ai vlhpiesa hoke.
14 Yohmi ka Chentail vba nan vlhpisa ik im iksho vhle-
ha hvt ilap nan anukfilli hosh nana a kaniohma he vba nan
vlhpisa ya foka tuk a yvmihchi hokmvt, yvmmvt vba nan
vlhpisa yvt ik im iksho ak inli kia, ilap ash inli hosh isht im
il i nan vlhpisa yoke.
15 Yvmmak osh vba nan vlhpisa yvt nan i miha ka otv-
ninchi kvt i chukvsh oka ai o holihiso ho, ilap nan isht il
akostininchi yak kia nan atokowa ka ibai anohonli, mikma
im anukfila puta kvt i himmak ano ilap ash inli hosh an-
umpa isht il onochi, isht il achukmali, kanimampo ka it im
anohonli hoke.
16 Yohmi kvt Chihowa hokvt vm vbanumpa ak atuk
pulla kak o Chisvs Klaist oka ishit hatak im anukfila luma
puta tuk a nan im apesa he nitak yvmmak fehna ka yvmoh-
ma hi oke.
17 Yakeh! Chu chi hohchifo kvt, vba nan vlhpisa ya
ish anukchieto hosh Chihowa ya isht ish ilauata;
18 Micha vba nan vlhpisa ya isht a chim vlbvchi hatuk
osh, nan ai ahni ka ish ithana, micha nan achukma i shahli
ka ish holitobli hoke;
19 Micha nishkin tamoa ya in tikba hika, ai okhlilika
anukaka aiasha ka im pvla sia hoke, ai ahnit ish ile yimmi
hokvt;
20 Micha im anukfila iksho kostininchi, vlla chipinta nan
im abvchi, nan ithana, micha nan ai ahli vba nan vlhpisa
foka ka ai isht ithvna ish ishi hoke.
21 Yvmohmi ka chishno yvt inla nan ithvnanchi chia
hokvt, chishno inli kvno chik il ithvnancho cho? Hatak vt
hukopa he keyu ho otvninchit ish anumpohonli hokak osh,
chishno yvt ish hukopa cho?
22 Hatak vt itin lumaka he keyu, ish ahaya hokak osh,
ish itin lumaka cho? Na holbvt toba ya i yuwalvt ish shi-

CHAPTA III       473

tilema hokak osh, Chihowa ya nana ish ima hi atuk vt ish
ishi cho?
23 Vba nan vlhpisa isht ish ilauata ho kak osh, vba nan
vlhpisa yash kobvffit Chihowa ya isht chik holitoblo cho
24 Yohmi ka, Yohma hi o holihiso hatok oka, Chihowa
hohchifo hvt Chentail vhleha ha ai i kvllakshi kvt hvchishno
yak atuk pulla kak oke.
25 Yohmi ka vba nan vlhpisa yak o ish holitoblik mvno,
hakshup tvpa yvt isht ai achukma ai ahli; amba vba nan
vlhpisa ya, ish kobvffi yokmvno chi hakshup tvpa yvt hak-
shup ik tapo hoke.
26 Yvmohmi ka hakshup ik tapo yvt vba nan vlhpisa
yvt isht ai vlhpiesa kak o holitobli hokmvt, hakshup ik tapo
yash ot hakshup tvpa yo chohma hinla keyu?
27 Micha hakshup ik in tapo yoh mak osh vba nan vlh-
pisa ya holitobli hokmvt, chishno yokvt holisso hvt chir
tonla, micha chi hakshup tvpa kia vba nan vlhpisa ya ish
kobahafi ka, nan chim apesa hinla keyu?
28 Yohmi ka paknali yokvto Chu keyu, micha nipi ai
otvni kvto hakshup tvpa keyu hoke.
29 Amba im anukfila anukaka yokvto Chu oke; mikma
hakshup tvpa yvto chukvsh anukaka yak oke; yvmmak oka
hatak okvt ahninchi keyu, amba Chihowa yak oke.

1 YOHMI ka Chu hvt nanta isht i shahli ho ishi ho?
micha hakshup tvpa ya nanta hak o isht im ai achukma ho?
2 Ai okluha bieka; vmmona ka Chihowa im anumpa
hvt ibbak a foyuka hatok oka.
3 Yohmi ka kaniohmi kvt ik yimmo hatuk okma, nanta

katiohmi cho? yvmmvt ik yimmo kak osh Chihowa yvt nan
isht ai ahli yoka ik ai ahlecho ho?
4 Ik yvmohmo pullashke; ahli, Chihowa hokvto ai
ahlikma, amba hatak moma kvto holabi ashke; yohma hi o
holihiso hatok oka, Ish ai anumpohonli puta kvt ish ai ahla
hi atok, micha nana chim vlhpisakmvt, ish imaiyacha hi
atok.
5 Yohmi ka nan ai vlhpiesa keyu e yvmohmi kak osh
Chihowa hvt nan ai vlhpiesa yvmohmi ka otvninchi hokmv-
no, nanta hak o il acha hinla ho? Chihowa hvt na palvmmi
ka onochi kvt ik ai vlhpieso ho? Hatak vt anumpuli chatuk
mak o anumpuli lishke.
6 Ik yvmohmo pullashke; yohmi hokmvno, Chihowa
hvt okla moyuma ka katiohmit nan im apesa hinla ho?
7 Yohmi ka Chihowa nan isht ai ahli yokvt vno ak osh
holabi li kak o isht i shahlit otvni na ilap vt isht a holitopa
hokak o, nanta katiohmi ho nan ashvchi yo chiyuhmit nan
vm vlhpisa hinla ak inli ho?
8 Amba nan ik ahlo isht a pi annohowa kvt, nan ik
achukmo kak o e yvmohmi na nana kvt isht ai achukmash-
ke, il achi ho kaniohmi hokak heto kvllochit anohonli hatuk
a, nanta katiohmi ho ke yvmohmo cho? yvmmak ash nan
vlhpisa hvt onvtuyula he vt ai vlhpiesa hoke.
9 Yakohmi ka katiohmi ho? isht a pim achukma kvt
yvmma il i shahli ho? Keyu kamohmi hoke; yohmi ka
Chu, micha Chentail vhleha moyuma hokvt ai ashvchika nu-
ta ai asha ka tikba kash il otvninchi tuk oke:
10 Yohma hi o holihiso hatok oka, ai vlhpiesa yvt iksho,
achvfa kia iksho hoke:
11 Achvfona kia nana ka akostininchi kvt iksho; achvfa
kia Chihowa ya hohoyo kvt iksho hoke.
12 Moyuma kvt naksika yo itvnohowa, moyuma kvt ita-
pihvt isht ai achukma hi vt iksho; achvfa kia nana achuk-
ma yvmihchi kvt iksho; achvfa kia iksho hoke.
13 Ishit nvlli yvt hatak a hollopi tiwa yoke; isunlvsh a
isht haksihinchi; asps nan isht vbi yvt itivlbi anukaka ya
foka hoke:

CHAPTA III.       475

14 Inla ya nan okpulo im ai ahnit anumpuli, micha
anumpa na hotopali aiena kvt itih ha alotowa hoke.
15 Iyi yvt issish a hlatahampla chi kvt pvlhki hoke.
16 Isht ai okpulo, micha isht ai ilbvsha aiena kvt i hina
ya foyuka hoke:
17 Isht it i nanaiya hina ya ik ithano chatuk oke.
18 Chihowa isht i nukshopa yvt nishkin itikba ya ik im
iksho hoke.
19 Yohmi ka nana ho vba nan vlhpisa yvt achi kvt, kvna
hosh vba nan vlhpisa i nuta ai asha kak o im achi ka il itha-
na; yohmi na itih puta kvt vlhkvma hi atok; micha okla
moyuma kvt Chihowa itikba ya nan vlhpisa yvt ai onvtula
hi atok.
20 Yvmohmi hoka nan isht ai vtta vba nan vlhpisa yvt
ai ahni kak o hatak nana kia itikba ya ai vlhpiesa he keyu
hoke; yohmi ka vba nan vlhpisa yak o ai ashvchika ya isht
ithvna yoka.
21 Amba himonasi kano nan ai vlhpiesa kvt vba nan vlh-
pisa holitobli kak o keyu, Chihowa hvt atahli tok a otaiyani
kvt, vba nan vlhpisa, micha hopaii vhleha hvt nan atokowa
anohonli tok ak atok:
22 Yvmmvt Chihowa i nan ai vlhpiesa Chisvs Klaist i
yimmi kak o a minti mak osh moyuma ka im annohowa,
micha yimmi moyuma, kvt anukfoyuka; it im inla kvt iksho
hoka:
23 Yohmi ka moyuma kvt nan ashvchi hatuk, micha
Chihowa hvt ai ahnincha hi a ik ono hatuk oka:
24 Chisvs Klaist vt isht vlhtoba ya atobbi tok pulla mak
o, Chihowa isht i kana ya pilla isht ai im vlhpiesa hatuk
oke:
25 Yvmmak oka im issish a anukchieto hokmak o,
Chihowa hvt haiakvchi tok; yohmi hosh Chihowa hvt na
palvmmi onocha hi osh ile halanlit, tikba nan ai ashahanchi
tok a i kashofi kvt, nan isht ai vlhpiesa otvnincha hi osh yv-
mohmi tok:
26 Yohmi hosh himonasi ya nan isht ai vlhpiesa ya otv-
nincha chi hosh yvmohmi kvt, Chisvs ak o i yimmi hokvno

nan ai ashvchika ya ai vlhpiesachi kvt, ilap vt ai vlhpiesa hi
atok.
27 Yohmi ka nan isht ilauata yvt katimak o? Iksho ka-
mohmishke. Nan vlhpisa nanta hak o isht ai akshu ho?
nan isht vtta nan vlhpisa hak o? Keyu, amba na yimmi
nan vlhpisa kak oke.
28 Yvmohmi hoka hatak vt vba nan vlhpisa ya holitobli
tok ak o keyu, amba na yimmi pulla kak osh isht ai vlhpiesa
il ai ahnishke.
29 Chihowa hvt Chu ak illa in Chihowa ho? yvmmvt
Chentail ak kia in Chihowa ak inli keyu ho? Ahli, Chen-
tail ak kia in Chihowa hoke;
30 Yohmi ka hakshup tvpa yvt i yimmi hatuk pulla
mak o, micha hakshup ik tapo yvt yimmi hatuk pulla mak
o ai vlhpiesacha hi vt Chihowa achvfa illa hoka.
31 Yohmi ka na yimmi yatuk pulla kak o vba nan vlh
pisa ya il akshochi ho? Ik yvmohmo pullashke: amba vba
nan vlhpisa yak o il ai ahlichi hoke.

1 YOHMI ka piki Eblaham vt haknip imma hokvno
nanta hak o ahayuchi tok o, il acha hinla ho?
2 Yohmi ka Eblaham vt vba nan vlhpisa ya isht ahanta
kak osh isht ai vlhpiesa hokmvt, nan isht ilauata ishi;
yohmi kia Chihowa itikba hokvno yvmohmi keyu ki
tok.
3 Yohmi ka Holisso Holitopa yvt nanta hak o achi ho?
Eblaham vt Chihowa ya i yimmi kak osh nan isht ai vlh-
piesa yvt immi toba tok.
4 Yohmi ka na toksahanli ka isht im vlhtoba kvt isht i
kana yo keyu, amba aheka yoke.
5 Amba toksahanli yak keyu, amba nan ashvchi ya ai

CHAPTA IV.       477

vlhpiesachi yak o i yimmi hokvto, ilap na yimmi ak osh
nan isht ai vlhpiesa yvt immi toba hoke.
6 Yvmma chiyuhmi ka hatak vt toksahanli keyu kia,
nan isht ai vlhpiesa ya Chihowa hvt ima na nan isht ilai-
yukpa ka Lewi ak kia isht anumpuli kvt,
7 Kvna hosh nan ik ai vlhpieso yvt i kashofa, micha ai
ashvchika yvt im ompoholmo hokvto, na yukpvshke.
8 Chitokaka yvt ai ashvchika ik im iksho yo chohmichi
hokvno hatak yvmmvt na yukpvshke, achi tok.
9 Yohmi ka nan isht ilaiyukpa ilvppvt hakshup tvpa
ak illa ho immi ho? keyukmvt hakshup ik tapo yak kia
aiena ho? Yohmi ka na yimmi yak osh Eblaham a nan
isht ai vlhpiesa immi toba tok, il achi hoke.
10 Yohmi ka katiohmit immi toba tok o? hakshup tvpa
hayak atok o? keyukmvt hakshup ik tapo kisha kak atok
o? Hakshup tvpa hayak atok keyu, amba hakshup ik
tapo kisha kak atok.
11 Yohmi ka hakshup tvpa yak osh nan isht atokowa,
micha nan isht ai vlhpiesa isht ai ahli mak o hakshup ik
tapo kash inli hosh ishi tok; yohmi kvt hakshup ik tapo
kia, yimmi hokvno moyuma ka iki ya hi atok; yohmi ho
yvmmak kia nan isht ai vlhpiesa yvt immi ak inla hi
atok:
12 Yohmi kvt hakshup tvpa iki, micha hakshup tvpa
kak illa keyu, amba piki Eblaham vt hakshup ik tapo kisha
ak inli kash osh yimmi a nohowa tok ak o iakaiya yvmmak
okvno iki ya hi atok.
13 Yohmi ka Eblaham, micha isht atiaka yvt yakni
moyuma kvt immi ha hi o im issa kvt, vba nan vlhpisa ya
holitobli tok ak atok keyu, amba na yimmi nan isht ai vlh-
piesa kak atok.
14 Yohmi ka vba nan vlhpisa yvmma anukchieto yak
osh immi ha he yokma, na yimmi vt akshu toba, micha nan
im issa tok a ai ahla he keyu hoke.
15 Yohmi ka vba nan vlhpisa yvto nan isht a palvmmi
yoka; yohmi ka nan vlhpisa iksho hokvno, nan vlhpisa
kobvffi iksho hoka.

16 Yvmohmi hoka isht i kana yak a hi atuk pulla kak o,
na yimmi isht ai vlhpiesa kak oke: yohmi ho yvmmak ash
isht atiaka moyuma ka nan im issa tok ash im ai ahla hi-
atok: isht atiaka vba nan vlhpisa in tonla kash illa keyu,
amba isht atiaka Eblaham e moyuma ka piki vt yimmi tok
ak o chiyuhmi aiena kak o im ai ahla hi atok.
17 Yohmi ka, Oklushi lawa ka iki yo chikbi li tok; achi
kvt holihiso hatok ak o yohmi hoke; Chihowa i yimmi tok
yvmmak osh illa ya tanihinchi, micha nana kvt ik yvmohmo
kisha kia, yohmi tuk ash inli ho chohmichit isht anumpo-
honli yvmmak o itikba ai yvmohmi hoke.
18 Yvmmvt yohma he ik ahobo fehna kia, yohmi pulla
chi ahnit, oklushi lawa ka iki toba hi atuk vt yimmi tok;
yohma hi o anuhumpa hatuk oka, Isht chi ai unchululi hvt
yvmohma hi oke.
19 Yohmi kvt yimmi kvt ik kvllo keyu hokvt, sipokni
kvt afvmmi tahlepa achvfa foka kia, ilap haknip vt himo-
nasi kvno illi, micha Sela im oshvto yvt illi, ai ahni tok
keyu.
20 Chihowa hvt nan im issa tok ash ik yimmot anuk-
tuklo keyu; amba yimmi kvt kvllo hatuk osh Chihowa ha
holitohombli tok:
21 Micha nan im ihisa hatuk vt ai ahlicha he bano aiena
ka nukfoyuka fehna tok.
22 Micha yvmohmi kak o nan isht ai vlhpiesa yvt immi
toba tok.
23 Yohmi ka yvmmvt immi toba tok a, holihiso kak osh
ilap ak atuk illa hak atok keyu:
24 Amba pishno ak kia pi holihiso ak inli tok; pin
Chitokaka Chisvs okvt illi tuk a falaminchit tanichi tok
a il i yimmi hokmvt, pishno ak kia pimmi toba hi atok
oka,
25 Yvmmak ash ot pim ai ashvchika yak atuk pulla
mak o illa chi hosh im vlhpisa tuk osh, isht pi ai vlhpiesa
he mak o anonti falamvt tani tok.

CHAPTA V       479

1 YVMOHMI ka na yimmi pulla yak o isht a pi ai
vlhpiesa hatuk osh, pin Chitokaka Chisvs Klaist ak atuk
pulla mak o Chihowa ya il it i nanaiya hoke.
2 Yvmmak atuk pulla mak o isht i kana il a hieli ilvppa
na yimmi pulla kak osh e chukowa cha, Chihowa isht a
holitopa ya il isha he ahnit, pi yuhukpvshke.
3 Micha yvmmak illa keyu, amba na palvmmi puta ak
atuk mak o pi yuhukpa ak inlishke; na palvmmi yak osh
nuktaiyalvt achunanchi ikbi hoka, il ithana hoke:
4 Mikmvt nuktaiyalvt achunanchi yak osh Chihowa
immi ai a atokowa isht ai il ithana ikbi hoke; micha Chihowa
immi ai atokowa isht ai il ithana yak osh ai okchaya pisa he
ahni ikbi hoke:
5 Micha ai okchaya pisa he ahni yvt hofahyali keyu;
Shilombish Holitopa yvt pi anukfoka hatuk osh Chihowa
isht i hullo ya lauachit pi chukvsh anukaka ya pit fohobli
hoka.
6 Yohmi ka hlampko ik pim iksho moma kak o ont ai
vlhpiesa ma, Chisvs vt Chihowa ik holitoblo ya vlhtobvt
illi tok.
7 Yohmi ka hatak vlhpesa yak ok mak o kanima kvt
vlhtobvt illa he keyu chiyuhmi; amba hatak achukma
yokvno kaniohmi kvt vlhtobvt illi kvt ik nukwiyo ka hinla
chishke.
8 Amba Chihowa hokvto isht pi hullo otvninchi kvt,
nan ashvchi pia moma kash o, Chisvs Klaist vt pi vlhtobvt
illi kak a tok.
9 Yohmi ka himonasi hokvno im issish ak o isht a pi

vlhpiesa hokvt, yvmmak atuk pulla kak o isht i shahli
fehnvt na palvmmi mihinti ka il i hlakofa hinla hoke.
10 Yohmi ka in tvnvp pia moma kash ot, Ushi yvt illi
tok pulla kak o Chihowa ya isht a il it i nanaiya hatuk ok-
mvt, il it i nanaiya ha yokvt, ilap okchaya pulla kak o isht
i shahli fehnvt isht a pi okchaya hinla hoke.
11 Micha yvmmak illa keyu, amba pin Chitokaka Chisvs
Klaist ak atuk pulla kak o Chihowa ya isht a pi yuhukpa
fehna cha, yvmmak atuk pulla kak o himonasi kvno isht il
it i kana hoke.
12 Yvmohmi ka hatak achvfa nan ashvchi achvfa pulla
ho ai ashvchika yokvt yakni paknaka yoka chukowa tok;
micha ai ashvchika yak atuk pulla mak o nan illi yvt yakni
paknaka yoka onvtuyula tok; yohmi hatuk o nan illi yvt
hatak moyuma ka onvtuyula tok, moyuma kvt ashahanchi
hatuk oka.
13 Yohmi ka vba nan vlhpisa yvt ik holisso kisha ho
ai ashvchika yvt yakni paknaka ya a takali tok: amba nan
vlhpisa yvt iksho hokvno ai ashvchika yvt onvtuyula he
keyu hoke.
14 Yohmi kia Alvm ai ahantvt Moses ai ahanta ant ai
vhli Alvm nan ashahanchi tok a chohmi keyu moyuma kak
kia nan illi yokvt i shaiyahli tok; yvmmak ash ot vla hi
atok yvmma isht vlhpisa hoke.
15 Amba nan ai ashvchika yash o na hvlbina yvto ik
chiyuhmo hoke. Yohmi ka achvfa hosh nan ashvchi kak o
moyuma kvt illi hokma, Chihowa hvt isht i kana, micha
isht i kana yak o isht a hvlbina yvt isht i shahli fehnvt,
Chisvs Klaist, hatak achvfa, yvmmak atuk pulla kak o mo-
yuma ka in laua hoke.
16 Micha achvfa nan ai ashvchi tok ash o na hvlbina
yokvto chiyuhmi keyu hoke: yohmi ka ai ashvchika achvfa
nan im vlhpisa kvt isht ai i palvmmi yatok, amba pilla na
hvlbina yak okvto ai ashvchika lawa isht a kashofvt isht ai
vlhpiesa yoke.
17 Hatak achvfa kash im ai ashvchika yak o nan illi yvt
hatak achvfa kash pulla kak o isht i shaiyahli hatok okma;

CHAPTA VI.       481

isht i kana lawa, micha nan isht ai vihpiesa hvlbina lawa ka
ihishi hokak heto isht i shahli fehnvt, hatak achvfa, Chisvs
Klaist ak atuk pulla mak o ai okchaya ya a mikot aiasha hi
oke.
18 Yvmohmi ka achvfa nan ashvchi kash pulla kak o
isht ai i palvmmi yvt hatak moma kvt isht im vlhpisa tok
ash inli chiyuhmit, achvfa i nan isht ai vlhpiesa yak pulla
kak o pilla na hvlbina ai ashvchika i kashofvt isht ai vlhpie-
svt okchaya hi vt hatak moyuma ka im aya hatok.
19 Hatak achvfa kash osh ik im antio pulla kak o moma
kvt nan ai ashvchi vhleha toba tok ash inli chiyuhmit,
achvfa kash osh im antia pulla kak o lawa kvt ai vlhpiesa
toba hi oke.
20 Anonti ai ashvchika yvt lawa chi mak o, vba nan-
vlhpisa yvt aya tok: yohmi kia ai ashvchika yvt lawa ma,
isht i kana yvt isht i shahli fehnvt lawa tok.
21 Yohmi ka ai ashvchika yvt imaiyvt illihinchi tok ash
inli chiyuhmit, isht i kana isht ai vlhpiesa pulla kak osh isht
i shahlit pin Chitokaka Chisvs Klaist atuk pulla mak o, isht
okchalinchi bilia hi atok.

1 YOHMI ka nanta hak o il acha hinla ho? Isht i
kana yvt laua chi mak o, isht ai ashvchika ya e mahaya
hinla ho?
2 Ik yvmohmo pullashke. Ai ashvchika ya il im illi
ha yvt, katiohmi kak osh yvmmak ash inli ho il ai ahanta
moma hinla ho?
3 Yohmi ka Chisvs Klaist ak o im a baptismo kvt, illi
tok a isht a pi baptismo ak inli hatuk a, hvch ik ithano ho?
4 Yvmohmi ka pi baptismo pulla kak osh illit il iba hol-

lopi hoke: yohmit Klaist illi tok vt Chihowa isht a holi-
topa yak pulla kak o falamvt isht a tani tok ash inli chi-
yuhmit, pishne yak kia himonvt toba yosh il itvnowa hi
atok.
5 Yohmi ka ilap illi tok ak o isht a hoyulba hosh il iba
hollokchi hatokmvt, illi tuk vt falamvt tani tok ak kia isht il
a hoyulba ak inla hi atok.
6 Yohmi ka ai ashvchika haknip vt okpulot kvnia na
himak a pilla hokvno ai ashvchika yvno il i yuka he keyu
mak o, pim anukfila tikba yvt ititaiyukhvna yak o yvmma
ibai illi hatok, ilvppa il ithana hoka.
7 Yohmi ka kvna hosh ibai illi hokvto, ai ashvchika ya
ai i mokofa hoke.
8 Anonti Klaist a il ibai illi hatok mvt, il ibai okchaya
ak inla hi okvt, pi yimmishke.
9 Yohmi ka Klaist vt illi tuk vt, falamvt tani hatok okvt,
himmakma illa he keyu: nan illi yvt himmakma imaiyacha
he keyu ka il ithaiyanvshke.
10 Yohmi ka illi hokvto, himonna illa ho ai ashvchika
pulla kak o illi hatok: amba okchaya hokvto, Chihowa hak
o im ahantvshke.
11 Yvmmak inli ho chiyuhmit hvchishno yak kia ai ashv-
chika ya il im illi ho mvhli, hvsh il ahni, amba pin Chitokaka
Chisvs Klaist ak atok pulla mak o okchayvt Chihowa ya il
im ahanta, hvsh il ahni ak inlashke.
12 Ai ashvchika yvt hvchi haknip illa hi a ik imaiyacho
ki, im anukfila okpulo yvmma hvch ik im antio kashke.
13 Hvchi haknip moyuma ka vlhpesa ahnit, nan ik ai
vlhpieso isht a yvmohmi yo chiyuhmit isht hvsh ashvchi ná;
amba illi tok osh falamvt okchaya ho chiyuhmit, Chihowa
ya hvsh il im issashke; micha hvchi haknip moyuma kvt
Chihowa yak o nan isht ai vlhpiesa isht i yvmohmi mak o
hvsh chiyumashke,
14 Yohmi ka ai ashvchika yvt hvch i shahla he keyu;
yohmi ka nan vlhpisa yak o nutaka hvsh anta keyu, amba
isht i kana yak oke.
15 Yohmi ka katiohmi cho? nan vlhpisa ya nutaka il

CHAPTA VI       483

anta keyu; amba isht i kana nutaka yo il anta kak osh il
ashvcha chi ho? ik yvmohmo pullashke.
16 Yohmi ka kvna ho in tishu tobvt hvsh im antia hok-
mvt, kvna ho hvsh im antia kvt, in tishu hvchia hokvt hvch
ik ithano ho? Ai ashvchika isht ai illi, keyukmvt im antivt
isht ai vlhpiesa yak okmá, kanimampo yoke.
17 Amba ai ashvchika ya i yuka hvchia hatok ak inli
kia, nan isht vlbvchi kaniohmi ho hvchim vlbvchi hatok vt
hvchi chukvsh ak o isht hvsh holitobli hatuk ak o, Chihowa
ya yak oke, pit im ai ahni lishke.
18 Yvmohmi ka ai ashvchika ya hvsh ai i mokofa mak
osh, nan isht ai vlhpiesa ya in tishu hvsh toba hatok.
19 Hvchim anukfila hvt ik hlampko pulla kak o, hatak
anumpuli chatuk mak o chiyuhmit anumpuli lishke; yohmi
kvt hvchi haknip moyuma ka vlhpesa ahnit, nan ik vlhpeso
ya hvsh yvmohma chi kak osh, na liteha, micha nan ik vlhpeso
aiena ka i yuka hvsh toba tok ash inli chiyuhmit, himonasi
hokvno hvchi haknip moyuma ka vlhpesa ahnit, ai ashvchika
yvt ik hvchim iksho ka chi kak osh nan isht ai vlhpiesa ya
in tishu hvsh tobashke.
20 Yohmi kvt ai ashvchika ya i yuka hosh hvsh ai asha
mvto, nan isht ai vlhpiesa yvt ik hvchim iksho ki tok;
21 Yohmi ka nana yakohmi puta kvno nan isht il ai
yukpa nanta ho hvsh ai ishi tok okak osh himonasi hokvno
yummak a tok a hvsh i hofahya ho? yohmi ka nana yakoh-
mi puta ka ont im ai isht aiyopi hokvto nan illi hak oke.
22 Amba himonasi hokvno ai ashvchika ya ai i mokofa
hatuk osh, Chihowa yak o in tishu hvsh toba hosh, ai ashv-
chika i kashofvt isht il ai yukpa hvsh ishi hoke: yvmmvt
ont im ai ishtaiyopi kvt ai okchayvt bilia yak oke.
23 Yohmi ka ai ashvchika ya isht vlhtoba hokvto nan illi
hak oke; amba pin Chitokaka Chisvs Klaist ak atok pulla
mak o Chihowa i na hvlbina hokvto ai okchayvt bilia yak
oke.

1 ITIBAPISHI li vhleha ma! nan vlhpisa ya ithana
vhleha hak o im anumpuli lishke; yohmi ka hatak vt ok-
chaya takla ka nan vlhpisa yvt i shaiyahli hoka hvch ik
ithano cho?
2 Yohmi ka ohoyo hvt i hatak ashakmvt, nan vlhpisa
ya nutaka ahanta hatuk osh, i hatak vt okchaya takla ka i
filvmma he keyu; amba i hatak ak osh illi hok mvno, i
hatak a i filvmma he keyu nan vlhpisa yash o ai i mokofa
hoke.
3 Yvmohmi hatuk o i hatak vt okchaya takla ho, hatak
inla auwaya hokmvto, haui hohchifa hi oke; amba i hatak
vt illi hokmvno, nan vlhpisa yvmmak ash ai i mokofa hoke;
yohmi hokvt hatak inla yo ik auwaya mak osh haui toba he
keyu hoke.
4 Yvmohmi hoka itibapishi li vhleha ma! hvchishno yak
kia Chisvs Klaist haknip atuk pulla mak o nan vlhpisa ya
hvsh im illi hoke: yohmi kvt inla yo hvsh auwaya kvt, illi
tok vt falamvt tani tok yvmmak a hi atuk: yohmi hosh Chi-
howa yoka nan vnit hvsh i waya hi atok.
5 Yohmi ka haknip ak o i nutaka hosh il ai asha mvno,
ai ashvchika anukfila puta kvt nan vlhpisa atuk pulla mak o
yvmohmit, haknip moyuma ka a toksahanli hosh isht illi ya
vnit wahaya tok.
6 Amba himonasi kvno nan vlhpisa ya il ai i mokofa
kvt, i nutakvt il ai asha hatok vt il im illi hatuk okvt; Chi-
howa ya holisso tikba ya tok ak o isht il a holitobla he atak
keyu, amba shilombish himona yo isht e holitobla he atuk
oke,
7 Yakohmi hoka nanta hak o il acha hinla ho? vba nan

CHAPTA VII.       485

vlhpisa yak osh ai ashvchika yo? ik yvmohmo pullashke.
Keyu, ai ashvchika ya ak ithano ke tuk osh, amba vba nan
vlhpisa ak atuk pulla mak o ithana li tok; yohmi kvt nan
vlhpisa yak osh, Chik anushkunno kashke, achi hatuk ke-
yukma, nan anushkunna yo ithana la hi atuk keyu hoke.
8 Amba ai ashvchika yvt vba nan vlhpisa atuk pulla
mak o nan-anushkunna ilaiyuka puta ka isht si anukfokihin-
chi tok; vba nan vlhpisa yvt iksho hokvno ai ashvchika yvt
illi yatok oka.
9 Yohmi ka vba nan vlhpisa ya ak ithano hokvto, hi-
monna ka sai okchaya tok; amba vba nan vlhpisa nan ai
ahni kvt vla mvno, ai ashvchika yvt okcha tok: mihma svlli
tok.
10 Micha vba nan vlhpisa yvmmvt isht ai okchaya yosh
vlhpihisa tok ash osh, isht illi yo ahayuchi li tok
11 Yohmi ka ai ashvchika yvt vba nan vlhpisa yak o isht
okcha cha, sa haksichi tok; micha yummak o isht svbi tok
12 Yvmohmi hatuk o vba nan vlhpisa yvt holitopa, mik-
ma nan vlhpisa nan ai ahni kvt holitopa, ai vlhpiesa, micha
achukma hoke.
13 Yvmohmi ka nana achukma yvmmak okak osh isht a
svlla he an toba tok o? ik yvmohmo pullashke. Amba ai
ashvchika yak atok yohmi ho ai ashvchika yvt otvna chi kak
osh, nana achukma ka isht a svlla he vm ikbi tok; yohmi
ho ai ashvchika yvt ik achukmo atampa fehna kvt nan vlh-
pisa nan ai ahni kak o isht ai otvna hi atok.
14 Yohmi ka vba nan vlhpisa yvto shilombish imma
hoka il ithanvshke; amba vno yokvto haknip nan ai ahni i
nuta sia, ai ashvchika ya i yuka sia hoke.
15 Yohmi kvt nana ho yohmi li kvt, vlhpesa ak ahno;
yohmi kvt nana ho ai ahni li hokvto, yvmmvno ak yvmih-
cho; amba nana ho ak ahninchokmvt, yvmmak o yvmihchi
lishke.
16 Yvmohmi kvt nana ka ak yvmihcho hokbano ai ahni
lik mak osh yvmihchi li hokmvt, vba nan vlhpisa yvt achuk-
mvshke, vno yvt ai ahni lishke.
17 Yakohmi hoka vno ak osh himmakma yvmma yvmi-

hinchi li kak keyu, amba ai ashvchika si anukfoyuka kak
oke.
18 Yohmi ka vno ya foyuka, yvmmvt sa haknip anu-
kaka ya nana achukma kvt iiksho ka ithaiyana lishke: yoh-
mi kvt nana achukma ai ahni hokvto si anukfoyuka; yohmi
kia nana achukma yvmma yvmihinchi la he ak osh ak aha-
yuchoshke.
19 Yohmi kvt nana achukma kvno yvmihchi la he ai
ahni li kvt, ak yvmihchoshke; amba nana ik achukma kvno
yvmihchi la he ak ai ahno kia, yvmmvno yvmihchi lishke.
20 Anonti nana ka ak yvmihcho hok bano ai ahni lik
mak osh yvmihchi li hokmvt, vno ak osh himmakma yvmma
yvmihchi li kak keyu; amba ai ashvchika si anukfoyuka
kak oke.
21 Yakohmi hoka nana achukma ka yvmihchi la he ai
ahni likma, nana ik achukmo hokvt si anukfoyuka a bilia kvt,
il akostininchi lishke.
22 Yvmohmi hoka Chihowa i nan vlhpisa ya vm anukfila
himona yak okvno isht i hullo lishke.
23 Yohmi kia sa haknip nan ai ahni hokvt inla hatuk osh,
vm a nukfila nana ai ahni ka in tanahampi, micha ai ashvchika
nan ai ahni sa haknip foyuka kak o i yuka sahakbi ho, pisa
lishke.
24 Vno hatak ilbvsha fehna sia hoka, kvta hak osh isht
ai illi haknip ilvppa a sa hlakoficha chi cho?
25 Pin Chitokaka Chisvs Klaist atuk pulla kak o Chi-
howa ya yak oke pit im ai ahni lishke. Yakohmi hoka vm
anukfila hokvno Chihowa i nan vlhpisa yoka isht holitobli li;
amba sa haknip okvno ai ashvchika nan ai ahni kak o isht i
yuka sia hoke.

CHAPTA VIII.       487

1 YVMOHMI hoka Klaist Chisvs ibai achvfa, haknip
nan ai ahni kak o yvmohmi keyu, amba Shilombish nan ai
ahni kak o iakaiya vhleha hokvno himonasi ka isht ai i pa-
lvmma he anumpa hvt im vlhpisa keyu hoke.
2 Yvmohmi ka isht ai okchaya Shilombish nan ai ahni
Klaist Chisvs a minti kak osh ai ashvchika nan ai ahni isht
ai illi yo a sa hlakofichi hatok oke.
3 Yohmi ka vba nan vlhpisa yvt nana ka ik atahlo kvt,
haknip ak atuk pulla kak o ik ai ahlo hatuk o, Chihowa hvt
ilap Ushi ak inli ho ai ashvchika isht vlhtoba mak o hatak
nan ashvchi haknip a hobachit auet kanchi hosh, haknip ak
o ai ashvchika ya ai i palvmminchi tok:
4 Yohmi ho pishno yokvno haknip nan ai ahni ka e
yvmohomi keyu, amba Shilombish nan ai ahni kak o il iakaiya
kak osh, vba nan vlhpisa isht ai vlhpiesa kvt pim ai ahla he
atok oke.
5 Yohmi ka haknip nan ai ahni kak o iakaiya hokvto,
nana puta haknip immi hak o i hullot anukfihinli chatuk:
amba Shilombish nan ai ahni kak o iakaiya hokvto, nana
puta Shilombish immi hak o i hullot anukfihinli chatuk oke.
6 Yohmi ka haknip nan ai ahni kak o isht ahanta hokvto
isht ai illi yoke; amba Shilombish nan ai ahni kak o isht
ahanta hokvto isht ai okchaya, micha isht it i nanaiya yoke:
7 Haknip nan ai ahni kak o isht ahanta hokvto Chi-
howa i nukkilli yoka; yohmi kvt Chihowa i nan vlhpisa ya
im antia keyu, micha yohma hi o keyu kamohmi mvhlishke.
8 Yakohmi hoka haknip nan ai ahni kak o i nutakvt
ahanta hokvto Chihowa ya yukpala himma keyushke.
9 Amba haknip nan ai ahni kak o i nutakvt hvsh ahanta
keyu, amba Shilombish nan ai ahni kak o i nutakvt hvsh
ahanta hoke; Chihowa imi Shilombish ak osh hvchi anuk-
foyuka ho mvhli hokmvt. Yohmi ka hatak nasa hosh Klaist
imi Shilombish a ishi keyu hohmvt, immi ho keyu hoke.
10 Micha Klaist ak osh hvchi foyuka hokma, hvchi hak-

nip okvto ai ashvchika yak atuk pulla kak o illi hoke: ambi
hvchi shilombish okvto nan isht ai vlhpiesa pulla kak o ok-
chaya hoke.
11 Amba Chisvs vt illi tuk a falaminchit tanichi tok imi
Shilombish ak osh hvchi anukfoyuka hokmvt, Klaist vt illi
tuk a falaminchit tanichi hatok ak osh hvchi haknip illi im
vlhtayak ilap imi Shilombish hvchi anukfoyuka kak o isht
okchalinchi ak inla hi oke.
12 Yvmohmi ka itibapishi li vhleha ma! nan aheka vhle-
ha pia kvt haknip nan ai ahni kak o il im aheka yosh haknip
nan ai ahni kak o il iakaiya hi o keyu hoke.
13 Yohmi ka haknip nan ai ahni kak o hvsh iakaiya hok-
mvto, hvch illa hi oke; amba Shilombish ak atuk pulla kak
o haknip nan a kaniohmi puta ka hvsh illihinchi hokmvto,
hvchi okchaya hi oke.
14 Yohmi ka laua kaniohmi ho Chihowa imi Shilombish
ak osh anukfohkit isht aya hokvno, Chihowa ak o ushi vhle-
ha hoke.
15 Yohmi ka anonti isht a hvchi nukshopa chi hosh yuka
im anukfila ho hvsh ishi hatok keyu; amba vlla im anukfila
ho hvsh ishi hatok ak o, pishno vt Abba, Piki, il achishke.
16 Shilombish Holitopa ak inli hosh pimi shilombish a
nan isht atokowa it ibai anohonli kvt, Chihowa im vlla vhle-
ha pia ka anolishke,
17 Micha im vlla pia hokmvt, isha he ai vlhpiesa pia:
micha Chihowa yak o im ai isha he vlhpiesa pia, micha
Klaist ak o it ibai isha he ai vlhpiesa pia hoke: yohmi ka il
ibai ilbvsha ho mvhli hok mak osh il iba holitopa hi atok.
18 Yohmi ka yakni paknaka ilvppa nan isht ai ilbvsha
puta hokvto nan isht a holitopa pim otaiyana hi a pit it
vlhpisa hi a ik ono, ai ahni lishke,
19 Nana toba tok puta hokvto Chihowa ushi vhleha hvt
isht otaiyana hi ak o pit hohoyo fehna hosh ai asha hoke.
20 Nana toba tok puta hokvto vlhpesa ik ahno kia, isht
ai illa hi vt im vlhpisa tok: yohmi kia isht ai illa he im
apesa kvt, isht a hlakofa he ahna hi a nukfokit yvmihchi
tok.

CHAPTA VIII.       489

21 Yohmi hoka nana toba tok ash puta kvt isht ai illa
he i yuka hatuk vt ai i hlakofi cha, Chihowa im vlla vhleha
hvt yuka keyut isht a holitopa yvt immi ak inla hi oke.
22 Yohmi ka nana toba tok puta moyuma kvt it ibai
hihihvt, it ibai ilbahasha na himak a hoka, il ithaiya-
nvshke.
23 Micha yvmmak illa ho keyu, amba pishno ak kia Shi-
lombish isht ai vni waya vmmona ka il ishi kvt, pishno ak
kia e hihiha kvt vlla ai ahli e toba he, yvmmvt pi haknip
isht a hlakofi yak o e hohoyo hoke,
24 Yohmi ka nana kvt pim vlhtaha tok vt il isha he il
ai ahni kak osh isht ai okchayvt il ahanta hoke: amba nana
ka il ishi hokvto, himmak o il isha he il ahna he keyu hoka:
yohmi ka katiohmit hatak vt nana ka ishi kvt himmak o ishi
la hi oka, ahni ho?
25 Amba nana ka e pisa keyu hosh il isha chi, il
ai ahni hok mak osh nuktaiyalvt achunanchit e hohoyo
hoke.
26 Yvmmak i chiyuhmit Shilombish ak kia ik a pi
hlampko puta ka pi apelahanchi fehna hoke: nana ka il
asilhha he tuk ai vlhpiesa kvt pishno ak inli kvt il ithana
keyu hoka; amba Shilombish ash inli hosh isht a hihiha
isht anumpa he keyu puta kak o pi anukfokihinchi hoke.
27 Yohmi kia chukvsh puta silhhit akostininchi yak
okvto Shilombish vt nana ho pi anukfokihinchi ka ithana
hoke: Chihowa nan ai ahni kak o Shilombish ash ot vba-
numpuli ahli puta ka nana ka anukfokihinchi hokvt.
28 Yohmi ka nan okluha hokvt Chihowa i hullo vhleha,
ilap nan ai ahni tok pulla mak o vlhtohoka tok vhleha ho-
kvto, isht im ai achukma he mak o it ibai toksahanli ka il
ithaiyanvshke.
29 Yvmohmi ka tikbanli ithaiyana tok okvto ilap Ushi
yak o hoyulba he mak o tikbanli atokohonli mak inli tok;
yohmi ho yvmmak ash ot itibapishi laua ka tikba vttahpi
ha hi atok.
30 Anonti tikbanli atokohonli hatok okvto hoyo mak inli
tok: mihmvt hoyo hatuk okvto ai vlhpiesvchi mak inli tok:

mihmvt ai vlhpiesvchi hatuk okvto ilap isht aholitopa yo ib
ai isha he im ai ahni tok.
31 Yakohmi kvno nana ilvppa puta imma hokvno nanta
hak o il acha hinla ho? Chihowa hak osh pi kana hokma,
kvta hosh pi sanala hinla ho?
32 Ilap Ushi fehna ka ik ilatombo hosh, amba pishno e
moyuma hak atok pulla mak o pim issa tok vt, katiohmi ho
yvmma pima hatuk vt nan okluha ka anonti pilla pima ak
inla he keyu ho?
33 Kvta hak osh Chihowa im vlhtoka vhleha ha isht ai
i palvmmi anumpa kia onocha hinla ho? Chihowa ak osh i
kashofi hoke.
34 Kvta hosh nan vlhpisa onocha hinla ho? Klaist ak
osh illi hatok; ahli, yvmma i shahli, yvmmak osh falamvt
tani hatok osh Chihowa ibbak isht impak imma yo binilit,
yvmmak osh isht pi anumpohonli hoke.
35 Kvta hak osh Klaist vt pi hullo ka pi filvmmicha hinla
ho? Isht ai ilbvsha, isht a palvmmi, hatak bika yvt pi hoto-
pali, isht a hohchvfo, haknip bieka, isht ai illa he, keyukmvt
bvshpo falaia yak a hinla ho?
36 Yohma hi o holihiso hatok oka, Chishno yak atuk
pulla mak o nitak moma ka pihimbi na shohombishke, chukfi
vlhpoba vba chi kak o e chiyuhmi hoke.
37 Yvmmak illa keyu, nan okluha ilvppa puta ka ilap pi
hullo tuk pulla kak o im aiyachi yak kia il i shahli hoke.
38 Yohmi ka isht illa he, isht okchaya he, enchil vhleha,
enchil vhleha i shahli, miko puta, himonasi nana ai asha
puta, himak a pilla ai asha he puta;
39 Isht a holitopa fehna, ilbvsha fehna, keyukmvt nana
toba tok nana kia, pin Chitokaka Chisvs Klaist ak atuk pulla
mak o, Chihowa il i hullo ka, pi filvmmicha himma keyu
ka, sai yimmishke.

CHAPTA IX.       491

1 KLAIST ak o nan ai ahli ka isht ai anumpuli li kvt
holabi li keyu, Shilombish Holitopa ak osh anukfokihinchi
ho, isht akostininchi li yak kia nan atokowa ka anohonli ak
inlishke.
2 Yohmi kvt sa chukvsh anukaka ya isht a nukhaklo
bilia, micha isht a weki chinto kvt a foyuka kak osh miha
lishke.
3 Yohmi ka itibapishi li vhleha, vm okla achvfa yak atuk
pulla mak o Klaist a i filvmmit sa kvnia hi a, ahni la hinla
hokbano.
4 Yvmmak osh Islael isht atiaka vhleha hoke: yvmmak
o ushi isht a toba, micha Chihowa yvt holitopa fehnvt im
otaiyani, micha nan it im vlhpisa puta, micha vba nan vlh-
pisa in tonla, micha Chihowa isht aiokpvchi, micha ai okcha-
yvt bilia puta im issa tok aiena kvt immi hoke:
5 Mihmvt iki vhleha tikba chash ot immi, micha yvm-
mak o Klaist vt hatak haknip imma hokvno a minti tok osh,
moma i shaiyahlit Chihowa holitopvt bilivshke. Amen.
6 Chihowa im anumpa hokvt aka itulvt kvnia tok o
chiyuhmi keyu hoke. Yohmi ka Islael vhleha hak osh
moyumvt Islael okla keyu hoke.
7 Micha Eblaham isht atiaka vhleha hokak osh moyu-
mvt im vlla vhleha keyu ak inli: amba Aisaak ak o isht chi
ai unchululi hohchifa hi oke.
8 Yohmi kvt haknip imma im vlla vhleha hokvto, Chi-
howa im vlla vhleha keyu hoke: amba im issa tok vlla
vhleha hak osh isht ai unchululi mak osh toba ho mak a chi
hoke.
9 Yohmi ka nan im issa tok isht anumpa hvt ilvppak
oke, Vlhpisa tok nitak ont ai vlhpiesakma vla la hi oke,
mikma Sela yvt ushi im vtta hi oke.
10 Micha yvmmak illa keyu; amba Lebeka yak kia
achvfa piki Aisaak ak o isht ai i chakali hatuk o;
11 Yohmi ka vlla yokvt ik ashwo kisha hokvt, nana

492       LOMAN,

achukma, nana ik achukmo nana kia ik yvmihcho kisha ak
inli kia, nana ho yvmihchi tok ak o keyu, amba ilap ak osh
hoyo hatuk o vlhtoka kvt Chihowa nana ai ahni tok vt ai
ahla chi kak o;
12 Yvmmak ash o, Akni ak osh nakfish a i nutaka hi
oke, im achi tok.
13 Holihiso kvt, Chekob ano i hullo li tok: amba Esau
yokvno ak i hullo ki tok, ahanchi hatok oka.
14 Yakohmi ka nanta hak o il acha hinla ho? Chi-
howa hvt nana yvmihinchi kvt ik ai vlhpeso ho? ik yvmoh-
mo pullashke.
15 Yohmi ka, Kvna ho i nukhaklo la he ahni likmvt, i
nukhaklo la hi oke; micha kvna ho i kana la he ahni lik-
mvt, i kana la hi oke, Moses a im achi tok.
16 Yakohmi hoka yvmmak ash o, ilap nan aiahni hokmá,
mvlihinli kak okmá, nana kak osh ishi ho keyu; amba Chi-
howa yak osh i nukhaklo kak o yvmohmi hoke.
17 Yohmi ka, Chishno yak o nan isht vm ai ahli yoka ai
otvninchi la he, micha sa hohchifo hokvt yakni moma ka
hlopullit ai annohowa he, ilvppak fehna kak atuk mak o ik
ahantá chim ai ahni li tok, Feleo ya Holisso Holitopa yvt
im achishke.
18 Yvmohmi hoka kvna ho i nukhakla he ahnikmvt, i
nukhaklo hoke: micha kvna ho kvllocha he ahnikmvt, kvl-
lochi hoke.
19 Yakohmi ka chishno yokvt, Nanta katiohmi ho ik
ahnincho imoma ho? Kvta hak osh ilap nan ai ahni ka i
sanali hatuk o? is svm acha chi hoke.
20 Yohmi ak inli kia, amba hatak chia ma! kvta chia
hokak osh Chihowa ya i sanalit ish anumpuli cho? Nana
toba tok vt ikbi tok ash o, Nanta katihmi ho yakohmichit
chishno yvt is sakbi tok o? im acha hinla ho?
21 Lukfampo ikbi yvt lukfi ya kanimihcha hi vt im ai
vlhpiesa keyu ho? lukfi yvmmvska miash inli ka achvfa
kvto isht a holitopa, mikma achvfa kvto isht a kvllakshi
ampo yo ikbi chatuk keyu ho?
22 Yohmi ka Chihowa hut ilap isht i nukkilli, micha ilap

CHAPTA IX.       493

nan isht ai ahli ya otvnincha he ai ahni kak osh, isht
i nukkilli onvtuyula he nan ai vlhto okpulot kvnia he im
vlhtaiyaha puta ka ilbvshala hi vt i svlaha fehna hatuk mvt:
23, 24 Micha ilap isht a holitopa lawa fehna ka i nuk
haklo onvtuyula he nan ai vlhto puta, yvmmvt isht a holi-
topa pisa hi o tikbanli im ataiyahli hatok vt, pishno yak
fehna ka pi hohoyo hatok; Chu okla hak bano keyu, amba
Chentail okla hak kia ai isht otvnincha he ai ahni hatok
okma, nanta katihmi cho?
25 Hosea yak o isht ai anumpohonli mvt, vm okla vhleha
hatok keyu ka vm okla vhleha hochifa la he: micha a holi-
topa tok keyu kvt, a holitopa hi oke, ahanchi ak inli hatok
oka.
26 Yohmi ka, Vm okla hvchia keyu ai im ahanchi tok
ash inli, yvmmak o Chihowa okchaya im vlla vhleha a hoh-
chihifa he mak oke.
27 Esaias ak kia, Islael imma ka chitolit isht anumpo-
nonli mvt, Islael im vlla vhleha holhtina kvt okhvta on ta-
laka shinuk ai asha kak o chiyuhmi ak inli kia, kashapa hosh
okchaya he mak oke.
28 Yohmi kvt ilap im anumpa ha ai ahlicha chi kvt ai
vlhpiesa hosh tushpa fehnvt yvmihcha hi oke: yohmi hosh
Chitokaka yvt yakni paknaka ya a yvmohma he vlhpisa tok
anumpa ha ai ahlicha he mak oka.
29 Mikma Esaias vt tikba kash, Sabaolh in Chitokaka
yak osh kashapa ka pim ashahanchi hatuk keyukma, Sotom
atok ash inli ho e chiyuhmi, micha Komolah yak o chiyuh-
mit e toba hi atok oke, ahanchi tok.
30 Yakohmi ka nanta hak o il acha hinla ho? Chentail
okla hvt nan isht ai vlhpiesa yak o achunanchit hohoyo hatuk
keyu kvt, isht ai vlhpiesa na yimmi yak o ai isht ai vlhpiesa
yak fehna ka ihishi hatok oke.
31 Amba Islael okla hokvto nan vlhpisa isht ai vlhpiesa
ya achunanchit hohoyo kvt, nan vlhpisa isht ai vlhpiesa  ya
ik ai ono hatok oke.
32 Yohmi ka katiohmi hatok o? isht ai vlhpiesa yash o
isht ai yimmi kak o keyu, amba nan vlhpisa yak o a mihinta

hi ash o in chiyuhmit hohoyo hatok okvt. Isht ai ibetvbli
tvli yvmma isht ibetvbli hatuk okvt.
33 Holihiso kvt, Yakeh! isht ai ibetvbli, micha isht ai
itula tvli yo Saion anukaka ya bohli lishke: yohmi ka kvna
hosh i yimmikmvt, hofahya he keyu mak oke, ahanchi tok
oke.

1 ITIBAPISHI li vhleha ma! sa chukvsh nan aiahni,
micha Islael oka anumpa ilbvsha Chihowa ha isht im anum-
pohonli li kvt, okla okchaya he ak o ai ahni lishke.
2 Yohmi ka Chihowa ya ai yiminta fehna kia, ai ahli
ithana keyu ka atokowa im ithaiyana lishke.
3 Yohmi kvt Chihowa hvt nan isht ai vlhpiesa ya atai-
yahli tok a ithana keyu hatuk osh, ilap inli i nan isht ai
vlhpiesa yo ai ahlichi bvnna kvt, Chihowa hvt nan isht ai
vlhpiesa ataiyahli hatok okvno ik im antio hatuk oke.
4 Yohmi ka na yimmi puta hokvto isht ai vlhpiesa he
mak o, Klaist ak osh vba nan vlhpisa nan ai ahni ka ai ahli-
chi yoke.
5 Yohmi ka Moses okvt vba nan vlhpisa isht ai vlhpiesa
ka isht anumpuli mvt, Hatak vt yvmma puta ka yvmihin-
chik mvt, isht ai okchaya hi oke, achi tok oke.
6 Amba na yimmi isht ai vlhpiesa hokvto yakohmichit
anumpulishke: Chi chukvsh oka isht anumpulit, Kvta hak
osh vba yakni yoka ont chukowa hi o? achi kvt, Klaist a
ont ilauelit aka isht vla chi ho? achi ka, chik acho kashke.
7 Keyukmvt, Kvta hak osh ahofobi fehna ka ont chu-
kowa hi o? achi kvt, Klaist a falaminchít tanichi cha, isht
vla chi ho? achi ka, chik acho kashke.
8 Amba yvmmak ash ot nantuk achi? Anumpa hokvt
chi bilikasi, chitakha anukaka yak fehna, micha chi  chukvsh

CHAPTA X.       495

anukaka foka hoke; achi kvt isht ai yimmi anumpa isht il
anumpuli kak oke.
9 Chishno yokvt chitih fehna ka Chitokaka Chisvs oka
isht otvninchit ish anumpuli, micha illi tuk a falaminchit
Chihowa hak osh tanichi tok a chi chukvsh oka isht chi
yimmi hokmvt, chi okchaya hi oke, yvmmvt achi hoke.
10 Yohmi ka hatak vt chukvsh ak o isht ai yimmi kak
osh isht ai vlhpiesa hoke; micha itih hak o Klaist a isht
otvninchit anumpohonli kak osh isht ai okchaya hoke.
11 Yomohmi ka Holisso Holitopa yvt, Kvna fehna hoh
kia i yimmikmvt, hofahya he keyu mak oke, ahanchishke.
12 Yohmi ka Chu, micha Klik ita tuklo ka nana kvt ai
it im inla keyu hoke: yohmi ka Chitokaka moyuma i shai-
yahli miash inli hosh ilapa i pahaya moyuma ka  i nukhaklo
kvt a chinto fehna hoke.
13 Yohmi ka kvna hoh kia Chitokaka hohchifo ha i
pahayakmvt, okchaya hi oke.
14 Yohmi ka katiohmit yvmma i yimmi hatuk keyu kvt
i pahaya hinla ho? micha katiohmit yvmma haklo hatuk
keyu kvt i yimma hinla ho? micha katiohmit vbanumpa
isht anumpuli yvt iksho ka, hakla hinla ho?
15 Micha vlhtoka keyu kvt katiohmit vbanumpa ha isht
anumpula hinla ho? holihiso kvt, Isht it i nanaiyvchi vba-
numpa isht anumpohonli, micha na hochukma isht anohowa
isht ai yukpa puta isht aya ka iyi yvt yakeh! aiokli fehnvsh-
ke, ahanchishke.
16 Yohmi kia moyumvt vbanumpa ha im antia hatuk
keyu. Yohmi ka Esaias vt, Chitokaka ma! kvta hak osh
pim anumpa ha yimmi hatuk o? achishke.
17 Yakohmi hoka haklo kak osh isht a yimmi hoke:
Chihowa im anumpa hvt isht anuhumpa pulla kak o a haklo
hoke.
18 Yohmi kia haklo tuk keyu ho? Ih! ai ahli fehna;
yakni moyuma ka itih ola kvt im ohona tok; micha anumpa
puyuta kvt yakni hatak ai ahanta moyuma ka im ohona tok
oke, vno vto achi lishke.
19 Amba Islael vt ithana hatuk keyu ho? vno vto achi

lishke. Vmmona ka Moses vt okla ho keyu kia isht a chi
nuktahlachi la hi oke, micha oklushi ik hopoyukso yo isht
a chi nokowvchi la hi oke, achishke.
20 Anonti Esaias vt nukwaya iksho hosh, Sa hohoyo
hatok keyu kvt si ahayuchi tok; si a ponahaklo hatok keyu
ka im otaiyani li hatok, achishke.
21 Amba vm antia he keyu, micha a sanalit anumpuli
okla hoka sabbak a pit i wiyeli li shohombishke, Islael okvno
im ahanchishke.

1 YAKOHMI ka Chihowa hvt im okla fehna ka kan-
chit taiyahli hatok o? Ik yvmohmo pullashke; yohmi ka
vno yak kia Islaelait Eblaham isht atiaka Benchamin iksa
sia hoke, achi lishke.
2 Chihowa hvt im okla fehna tikbanli ithaiyana tok okvto
kanchit taiyahli hatok keyu hoke. Holisso Holitopa yvt
Elias ai isht anumpohonli ka chik ithano cho? Islael oka
anumpa onochit Chihowa ya isht anumpohonli kvt,
3 Chitokaka ma! chi hopaii vhleha ha ahambi tok, chim
alta puta ka iba kullit akahanchi tok; yohmi ka vno ak ba-
no hosh ahanta li ma, vm ilhfiohpak a tvbli bahanvshke,
ahanchishke.
4 Yohmi kia Chihowa hvt afalaminchit nanta hak o im
achi ho? Hatak tahlepa sipokni untuklo hokvto Baal hol-
bvt toba ya ik i hvchukbihlepo atuk okvno vno vmmi  yo
ilatohomba li tuk oke, achishke.
5 Yvmmak ash inli chiyuhmit himonasi ak kia isht i ka-
nvt isht ai vlhtoka tok vt kaniohmi kvt ai asha ak inli hoke.
6 Yohmi ka isht i kana yak okma, toksahanli tuk pulla
yak o ai yvmohmi keyu hoke; yakohmi hokma isht i kana

CHAPTA XI.       497

yvt isht i kana keyu yoke. Amba toksahanli tuk pulla yak
o ai yvmohmi hokma, isht i kana yak o ai yvmohmi keyu
hoke: yakohmi hokma toksahanli yvt toksahanli keyu hoke.
7 Yakohmi ka katiohmi ho? Islael okvt nana hohoyo
kvt ishi hatok keyu hoke: amba vlhtoka yak osh ishi hatok;
mihma kashapa hokvto im anukfila hvt kvllot kvnia tok oke;
8 Yohmi ka holihiso kvt, Chihowa hokvt im anukfila
nosilhhvt kvnia, nishkin nan isht pisa he keyu, micha hak-
sobish nan isht hakla he keyu puta aiena ho ihima hatok;
ahanchi hatok ash o ihima na himak a nitak a ai vlvshke.
9 Mihma Lewi vt achi kvt, Ai impa yvt isht ai ibetvbla
he, micha isht ai itula he, micha isht ai okpula he, micha
isht ai im vlhtoba he aiena isht ai in tobashke.
10 Micha nishkin vt im okhlili cha, isht ik peso hosh
hlipkvchit maya na biliashke, achishke.
11 Yakohmi hoka ibetvbli hatuk ak osh isht ai itulvt kv-
nia ho? Ik yvmohmo pullashke: amba isht ai itula hatuk
pulla kak o isht ai okchaya yvt Chentail a im vla  ho isht a
nuktahlahancha chi hatok oke, achishke.
12 Yohmi ka yvmmvt isht ai itulvt kvnia kak o yakni
moyuma kvt isht ai yukpa laua kvt im vla hokma, micha
isht ik a lauwot taiyaha kak o Chentail vhleha ha isht ai
yukpa lawa kvt im vla hokma; isht ai alotowa hokak heno
isht i shahli fehna hi o keyu?
13 Yohmi ka Chentail hvchia ha hvch im anumpohonli
il kvt, Chentail im apostel sia hatuk okvt, nan isht ai vtta
li ya holitobli lishke.
14 Yohmi hosh kaniohmit isht a nuktahlachit sa haknip
ai achvfa kash kanimi kvno okchalinchi la hinla hokmvt,
15 Yohmi ka yvmma kaiyanchi kak o yakni moyuma kvt
isht ai it i nanaiya hokma, yvmmak ash i kanvt falaminchit
ishi hokak heno nanta ha hi o? amba illi tuk vt falamvt
isht ai okchaya kak a hi o?
16 Yohmi ka vnit waya vmmona kvt holitopa hokma, a
moyuma kvt holitopa ak inli hoke: micha hakshish vt holi-
topa hokma, naksish puta kak kia yohmi ak inli hoke.
17 Mihma naksish kaniohmi kvto atvptovt kvnia hokma,

alif haiaka ai offo chia hash osh ish ibafohka hatuk; micha
yvmmak ash ibafoka hosh alif okchi, micha hakshish aiena
ka ish ibai ishi hatuk okmvt;
18 Naksish puta ka ik ahobalot chik im ilauato kashke;
amba ish ilauata hok mak osh chishno yak osh hakshish ish
il ai ishi keyu, amba hakshish ak osh chishi hoke.
19 Yvmohmi ka, Naksish kaniohmi kvt kobahlit kvnihiya
kvt, vno yak osh iba fohka la he yak o yohmi hatok, ish
acha chi hoke.
20 Ahli; ik yimmo kak osh kobahlit kvnihiya hatok;
amba chishno vto na yimmi kak osh isht ish a hikia hoke.
Chik ilefehnacho kashke, amba ish il akanlosechashke:
21 Yohmi ka Chihowa hvt naksish fehna yash kanchi
nukwiya tok keyu hokmvt, chishno yak kia chi kancha he
yoba k , ahah! ish ahnashke.
22 Yvmohmi ka Chihowa hvt isht i kana, micha isht
palvmminchi ya ho pes : aka itula tok ash isht palvmmin-
chi; amba chishno yokvno isht chi kana, ilap isht i kana
yash o ish a mahaya hokmvt; yvmmak keyu hokmvno
chishno yak kia chayvt chi tvpa he ak inli hoke.
23 Yvmmak ash kia ik yimmo kak o keyu hokmvt, iba
fohoka he; Chihowa hak osh yvmmak ash falaminchit iba
fohoka hi vt im ai ahli hoka.
24 Yohmi ka chishno yvt alif haiaka ai offo yo a tvpa
hosh alif achukma yash, ai yvmohmi chatuk keyu kia, ish
ibafohka hatok okma; naksish fehna yatok ilvppak heto
isht i shahli fehnvt ilap immi yatuk ash inli ka ibafohoka
hinla keyu ho?
25 Yohmi ka itibapishi li vhleha ma! Islael a kashapa
hokvt im anukfila hvt kahanlo na Chentail vhleha isht ai
alotowa yvt vla he yak atok, anumpa ai ahli ik otano cha-
tuk ilvppa hvch ik ithaiyano hosh, hvchishno ash inli hosh
ile yimmit hvsh ai asha hi a ak hvchim ai ahnoshke.
26 Yakohmikmvno Islael vhleha hvt moyumvt okchaya
hi oke; holihiso kvt, Nahlakofichi yvt Saion ak o a mintit
kohcha hosh ai ashvchika ya Chekob a ai isht i kahancha hi
oke, achi hatok oka.

CHAPTA XII       499

27 Micha ai ashvchika yash ai isht i kanchi likmvt, ilvp-
pak o nan it im apesa la he tok mak oke.
28 Vbanumpa hash imma hokvno, hvchishno yak atuk
pulla kak o yvmmak ash ot tvnvp vhleha hoke; amba vlh-
toka yash imma hokvno iki vhleha yash ak atuk pulla kak o
i holitopa vhleha hoke.
29 Yohmi ka Chihowa hvt na habenahanchi, micha ato-
kohonli aiena kvt inlvchit im anukfila he keyu hoke.
30 Yohmi ka hvchishno yokvto tikba pilla kash Chihowa
ya hvsh i yimmi hatok keyu; yohmi kia yvmmak ash ot
isht ik a yimmo pulla kak o isht i nukhaklo yash hvsh ishi
hatok ash o;
31 Chiyuhmit ilvppak ash ot himonasi ka ik yimmo ak
inli hatuk kia, isht hvsh i nukhaklo yak atuk pulla kak  o
ilvppak ash kia isht i nukhaklo ya ishi mak inla hi atok.
32 Yohmi ka Chihowa hvt yvmmak ash moyuma kvt ik
yimmo ka he im ai ahni hosh moyuma ka i nukhakla he ak
atok.
33 Yakeh! Chihowa hvt hopoyuksa fehna, micha nan
ithana aiena kvt ataha hi vt ik im iiksho; nana apihisa ka
akostininchit nana a kaniohmi puta ka silhhit ahayucha he
keyu hoke.
34 Yohmi ka kvta hak osh Chitokaka im anukfila ha
itha[i]yana tok o? keyukmvt kvta hak osh nan i miha ya-
tok o?
35 Keyukmvt kvta hak osh tikba ima hatok osh, anonti
falamvt im vlhtoba hi atok o?
36 Yohmi ka nan okluha kvt yvmmak o a mihinti, micha
yvmmak o isht a toba, micha yvmmak o immi mak osh to-
homba tok; isht a holitopa yvt yvmmak o immit peh bili-
ashke. Amen.

1 YVMOHMI ka itibapishi li vhleha ma! Chihowa
hvt isht i nukhaklo puta hak atuk pulla mak o hvchi haknip
puta hokvno vba isht aiokpvchi okchaya, holitopa, Chiho-
wa yvt aiokpancha he vlhpesa ho, yvmma isht hvsh ai ahan-
ta he vlhpiesa hokvt, hvsh im issa he, hvchim ai ahni lishke.
2 Micha yakni ilvppak inli ka hvch ik hoyulbo kashke;
amba hvchim anukfila hvt himonvt toba pulla hatuk mak
osh inlvt hvsh tobashke; yohmi hosh nan achukma, nan ai
vlhpiesa, nan ai ahli Chihowa nan ai ahni ka hvsh akosti-
ninchashke.
3 Yohmi ka isht i kana ya vma hatuk pulla mak o, ha-
tak hvch ibafoka puta ka ilap ash inli kvt isht il anukfilla
he ai vlhpiesa ka isht i shahlichit isht ik anukfillo kashke,
im achi lishke: amba il oktamblit Chihowa hvt hatak hikia
aiyuka ka isht ai yimmi kaniohmi ho ima hatok ash o, hatak
hikia aiyuka kvt isht il anukfillashke.
4 Yohmi ka pi haknip vt achvfa kia, pit ai achvfa hvt
laua, micha pit ai achvfa ilvppvt moyuma kvt nan isht ai
vtta yvt miash inli keyu kash o:
5 E chiyuhmi hosh e laua kia, Klaist il ibai achvfa kvto
haknip achvfa pia, micha achvfa aiyuka kvt pit il it ibai
achvfa hoke.
6 Yvmohmi ka isht i kana yvt kaniohmi ho il ishi hatok
ak osh na hvlbina puta kvt ilaiyuka ho il ieshi hokvt, Shi-
lombish anukfoyukvt anumpuli isht ai vtta yo e habena ha-
tuk okmvt, isht ai yimmi yak o ai itilaui ho yvmmak o  isht
il ahantashke.
7 Mikmvt chvch nan isht im vtta isht ai vtta ya e habe-
na hatok mvt, yvmmak o isht il ahantashke; micha nan
ithvnanchi yokmvt, yvmmak o isht ahantashke.
8 Micha vbanumpa isht atohnochi yokmvt, yvmmak o
isht ahantashke: na hopela yokmvt, im anukfila apissali
hosh yvmihchashke: pehlichi yokmvt, ai ahli achukmashke:

CHAPTA XII       501

i nukhaklot nan isht im vtta yokmvt, aiokpanchi hosh yv-
mihchashke.
9 Isht i hullo yvt isht il ahobi iiksho hashke. Nan ik
achukmo ka ish i nukkillashke; nan achukma hoka ish asi-
tiashke.
10 Itibapishi chiyuhmit it i kana fehnvt hvsh it i hul
lashke; hvsh iti holitobli kvt hvsh it im i shahlashke.
11 Nan isht vtta kvt intakobi keyu; chukvsh isht ai yi-
minta fehnvt, Chitokaka yak o in toksvli hosh isht hvsh
ahantashke.
12 Ai okchayvt bilia pisa la he ai ahnit, hvchi yuhu-
pashke: na palvmmi hvsh pihisa kvt hvchi nuktaiyalashke:
achunanchi hosh anumpa ilbvsha hvsh anumpohonlashke.
13 Vbanumpuli a bvnna ka hvsh i hopehinlashke: hatak
ik ithano ya hvsh i kana fehnashke.
14 Hvch ilbvshali ka isht im ai achukma he ai ahnit
isht hvsh anumpohonlashke; isht ai okpula hi a hvch ik ai
ahno hosh, isht ai achukma he ak o ai ahnit isht hvsh anum-
pohonlashke.
15 Nan isht ilaiyukpa ka hvsh ibai yukpashke; micha
nukhaklokma, hvsh iba nukhaklashke.
16 Hvchim anukfila hvt ai achvfvt hvsh it im anukfil-
lashke. Isht a holitopa puta ka hvch ik hohoyo kashke:
amba hatak ilbvsha yak o hvsh il itilauechashke. Hvchish-
no inli hvch ik ile yimmo kashke.
17 Hatak vt nan ik achukmo hvchi yvmihchi ka nan ik
achukmo yo hvch ik i falamincho kashke. Hatak moyuma
itikba ya nana achukma puta ka hvsh yvmihchashke.
18 Yohma he yobakma, hvsh a yvmohma he ai vlhpiesa
kvto, hatak moyuma ka hvsh it i nanaiya hosh hvsh ahan-
tashke.
19 A holitopa ma! hvch ik il ai okho kashke, amba ai
vlhpiesa isht im atobbi yak o hvsh il im issashke; holihiso
kvt, Ai vlhpiesa isht atobba hi okvt vmmi hatuk osh, afala-
minchit atobbi la hi oke, Chitokaka yvt achi hatok oka.
20 Yvmohmi ka chin tvnvp vt hohchvfo hokma, ish ipe-
tashke; itukshila hokma, nan ishko ish ipetashke; ilvppak

o ish yvmihchi hokmak osh luak tobaksi yo noshkobo ha
ish o fohobla hi oke.
21 Nan ik achukmo i nutvt chik il ai okho kashke; am-
ba nan achukma kak o nan ik achukmo ka isht ish imaiya-
chashke.

1 SHILOMBISH puta kvt nan vlhtoka i shahli vhleha
ha im antiashke. Nan vlhtoka inla kvt iksho: amba Chi-
howa ak osh ai ahni kak bano hoka; nan vlhtoka puyuta ka
Chihowa hak osh vlhtoka he ai ahni hoke.
2 Yvmohmi hoka kvna fehna hoh kia nan vlhtoka yoka
i sanali hokvt, Chihowa hvt nan apesa tok a i sanali hoke:
mikmvt i sanali vhleha hokvto ilap inli isht ai ilbvsha yosh
im vlhpisvt isha hi oke.
3 Nan vlhtoka vhleha hoka nan toksvli achukma yak osh
ai i nukshopa yo keyu hoke: amba nan ik achukmo toksvli
yak oke. Yakohmi ka nan vlhtoka yoka chishno yvt i nuk-
shopa la he, chik ai ahno cho? Nan achukma kak o ish
yvmohmashke; mikmvto yvmmak ash o ish im a holitopa
hi oke.
4 Nan isht chim achukma chi mak o yvmmvt Chihowa
nan isht im vtta hatuk oka. Yohmi kia nan ik achukmo
kak o ish yvmihchi hokmvt, chi nukshopashke: yohmi ka
yvmmvt bvshpo falaia ya peh pilla ieshi ho keyu; amba
yvmmvt Chihowa nan isht im vtta yosh nana ka ai ahlichit
nan ik achukmo yvmihchi ya isht ai i palvmmi ka onohonchi
mak oke.
5 Yvmohmi hoka isht ai i palvmma he ak bano kak o
keyu, amba isht il akostininchi yak atuk pulla aiena kak o
ish im antia pullashke.

CHAPTA XIII       503

6 Yohmi ka ilvppak atuk pulla kak o noshkobo chumpa
ya ish atobbi makinlashke: yvmmvt Chihowa nan isht im
vtta vhleha hatuk osh nana ilvppak fehna ka isht ahantvt
bilia hoke.
7 Yvmohmi ka moma kvt ilap ai isha he ai vlhpiesa ka
ish imashke: noshkobo chumpa ya kvna hosh isha he ai
vlhpiesa kak o ish imashke: vlhpoyak isht ai vlhtoba ka
shampa kvnia he tuk a kvna hosh isha he ai vlhpiesa kak o
ish imashke: kvna ho i nukshopa he, ai vlhpiesa kak o ish
i nukshopashke: kvna ho holitoba he ai vlhpiesa kak o ish
holitoblashke.
8 Hatak nana kia aheka yvt ik chin takanlo kashke:
amba hvsh it i hulla he vto hvsh it in takanlashke; yohmi
ka kvna hosh inla ya i hullo hokvto vba nan vlhpisa ya ai
ahlichi hoke.
9 Yohmi ka, Chik it in lumako kashke, Chik bo kashke,
Chik hukopo kashke, Chik aholvbecho kashke, Chik anush-
kunno kashke; micha nan vlhpisa inla kvt takanli hok-
mvt, anumpa kanomosi, Chin chuka panta hatak a ish i
hullo kvt, chishno ish il i hullo kak i chiyuhmashke, achi
ilvppak o foka hoke.
10 It i hullo yvt nan ik achukmo in chuka panta hatak
a ik i yvmihcho yoke: yvmohmi hoka it i hullo yak osh
vba nan vlhpisa ya ai ahlichi mak oke.
11 Micha ilvppak o hvsh yvmohmashke: mikmvt himo-
nasi ka nusi tuk vt pi okcha he hvshi kanvlli hvt ont ai
vlhpiesa ka il ithaiyanashke; himonasi kvno isht ai pi ok-
chaya yokvt pi bilika kvt pi yimmi hatok ano i shahli hoka.
12 Ninak vt ant ia hosi ma, nitak vt vla hosishke: yv-
mohmi hoka okhlili isht a toksvli puta ka e kaiyan-
chashke: micha nan tohwikeli isht il atukkochi yak o e
foyukashke.
13 Nitak itvnowa yak o chiyuhmit ai vlhpiesa hosh il
itvnowashke: haksi, micha tasimbot tasali keyu, itiba nusit
isht a haui keyu, itachowa, micha it i potvnnot hvch ik it i
nukkillo kashke.
14 Amba Chitokaka Chisvs Klaist ak o hvsh foyukash-

ke; micha haknip nan ai ahni okpulo puta ka im ai ahlicha
chi kvt haknip a nana hvch ik atahlo kashke.

1 NA yimmi kvt ik ono ka hvsh i kana banashke;
micha im anukfila anuktuklo atuk a nana isht chik im apeso
kashke.
2 Yohmi ka achvfa hokvto nan okluha ka vpa hi atuk vt
yimmishke; inla hokvto na yimmi kvt ik ono mvt, na waya
yak o vpvshke.
3 Yohmi ka vpa hokvt ik po hoka ik kanimancho kash-
ke; micha ik po hokvt vpa hoka nan ik im apeso kashke;
Chihowa ak osh i kana hatuk oka.
4 Kvta chia hokak osh hatak inla in tishu ha nan ish im
apesa hoh cho? ilap i shahli ak illa ho isht im a hikia he,
keyukmvt isht ai im itula hi oke. Ahli, ai ahlit hikia hi
oke, Chihowa hak osh ai ahlichit hilecha hinla hoka.
5 Hatak achvfa hokvto nitak achvfa kvt inla ka i shahli,
ai ahnishke; inla hokvto nitak moma kvt itilaui, ai ahnishke.
Hatak puyuta kvt ilap im anukfila fehna ka ai ahlit anukfo-
yukashke.
6 Kvna hosh nitak a holitoblikmvt, Chitokaka yak o i
holitobli hoke: mikma kvna hosh nitak a ik i holitoblo hok-
mvt, Chitokaka yak o ik i holitoblo hoke. Kvna hosh vpak-
mvt, Chitokaka yak o im vpa hoke; Chitokaka yak o isht
aiokpvchi ya ima hokvt: mikma kvna hosh ik pokmvt,
Chitokaka yak o ik im vpo hoke: yohmi kia isht aiokpvchi
ya Chihowa yak o ima hoke.
7 E kanima kvt pishno inli il im anta keyu hoke: micha
hatak nana kia ilap inli il im illi keyu hoke.
8 Pi okchayvt il ahanta kvt, Chitokaka yak o il im ahan-
ta hoke; micha pilli hokmvt, Chitokaka yak o il im illi hoke

CHAPTA XIV.       505

yvmohmi hoka pi okchaya, pilli, kanimampo hoh kia Chito-
kaka yak o immi pia hoke.
9 Yohmi ka Klaist okvt illi tuk vt falamvt okchaya kvt,
illi, micha okchaya it aieninchit in Chitokaka toba chi ilvp-
pak fehna hatok oka.
10 Yohmi kia nanta katiohmi ho chitibapishi ha nan ish
im apesa cho? micha nanta katiohmi ho ish itibapishi ha
ish kanimanchi cho? e moyuma kvt Klaist nan apesvt ai o
binili ka itikba ya e hiohla hi oka.
11 Yohmi ka holihiso kvt, Sai okchaya hoka iyikalaha
puta kvt a hvchukbihlapa hi oke; mikma isunlvsh puta kvt
Chihowa ha aiokpahancha hi oke, Chitokaka yvt achi hoke,
achi hatuk oka.
12 Yakohmi hoka e moyuma kvt Chihowa hoka il im il
anohonla hi oke.
13 Yvmohmi hoka himak a pilla kvno nan it im apesvt
kil ahanto kashke; amba hatak nana kia isht ai ibetvbla he,
keyukmvt isht ai itula he nana kia itibapishi i hina ya ik
bohlo ka he ilvppak o hvsh im anukfillashke.
14 Yohmi ka nana kvt ilap ak inli kvt ik kashofo kvt
iksho ka, Chisvs Klaist ak atuk mak o isht a sa nukfoyukvt,
ithaiyana lishke: amba kvna hosh nana kvt ik kashofo ai
ahni hokvno, yvmmvno nana kvt ik i kashofo hoke.
15 Ish itibapishi hvt nana ish pa ka isht ik im vlhpieso
hokma, himak a i hullot ish nohowa keyushke. Yvmmak
ash Klaist vt vlhtobvt illi hatok oka, chim ilhpak a isht
chik okpano kashke.
16 Yvmohmi hoka nana achukma isht ish ilaiyukpa kvt
ik ai vlhpesot isht ik anumpo kashke.
17 Yohmi ka Chihowa apehlichika yokvt nan impa, nan
ishko kak o keyu hoke; amba nan isht ai vlhpiesa, micha
isht it i nanaiya, micha Shilombish Holitopa ai isht ilaiyuk-
pa yak oke.
18 Yohmi ka kvna hosh nana ilvppak fehna ka Klaist
isht im antia hokvno Chihowa yvt ahninchi, mikmvt hatak
puta kvt vlhpesa ai ahni hoke.
19 Yvmohmi hoka nana kvt isht ai it i kana puta, micha

nana ka isht it i hlampkohoncha he aiena kak o e yvmoho-
mashke.
20 Yohmi ka nan vpa ak atuk mak o Chihowa hvt nana
toksahanli tuk ash isht chik okpano kashke. Nan okluha
kvt kashofa mvhli hoke: yohmi kia hatak nana hosh inla
isht ai ibetvbli ho impa hokvto, isht ik im achukmo hoke.
21 Nipi vpa, oka paki ishko, keyukmvt nana kia ish
itibapishi hvt isht ai itulvt isht ai ibetvblit isht ik a hlamp-
ko ka chi ho, ai yvmohmi kvt ik achukmo hoke.
22 Nana kash chi yimmi cho? Chihowa itikba yak o
chishno illa hosh ish a yvmohmashke. Kvna hosh ilap vt
nana ho vlhpiesa ahnit, ilap ash inli anumpa isht ik il onocho
hokvt, na yukpa hoke.
23 Yohmi ka kvna hosh anuktuklo hoh kia vpa hokmvto,
anumpa onvtula hoke: nana hoh kia yimmi keyu hosh yvm-
ihchi hokvto ai ashvchi yoka.

1 YAKOHMI hoka pi hlampko hokvto ik hlampko hok-
vno nan il ib ai isha he atuk; micha pishno inli il ile yuk-
pala hi atuk keyu hoke.
2 E moyuma kvt ilap in chuka panta hatak vt vbanumpa
ha isht a hlampkot im achukma chi ka e yukpalashke.
3 Yohmi ka Klaist ak kia ile yukpali tok keyu hoka;
amba holihiso kvt, Isht a hofahyali puta kvt chi onvtula ha-
tuk vt sai onvtula hatuk oke, achi hatok oka.
4 Yohmi ka nana fehna hoh kia tikba pilla kash holihiso
kvt nana isht a pim vlbvcha he mak o holihiso hatok oka;
yohmi kvt Holisso Holitopa ak o nana ka isht a nuktaiyalvt
achunanchit ai okchayvt bilia ya il isha he, il ai ahna hi atok
oke.

CHAPTA XV       507

5 Yohmi ka Chihowa hak osh hvchi atohnohonchit isht
anuktaiyalvt achunanchi ya hvch ima na nana hvsh it im
anukfilli kvt ai achvfvt Klaist Chisvs ak atok ak o hvsh chi-
yumashke.
6 Yohmi hosh hvchim anukfila hvt ai achvfvt, itih achvfa
hosh Chihowa, pin Chitokaka Chisvs Klaist Iki yak fehna
ka hvsh holitobla hi atuk oke.
7 Yvmohmi hoka Chihowa hvt isht aholitopa chi kak o
Klaist ak kia pi kana hatok ash o, chiyuhmit hvsh it i kan-
ashke.
8 Yohmi ka Chihowa isht ai ahli yak atuk pulla kak o
Chisvs Klaist okvt hakshup tvpa yak o nan isht im vtta to-
ba kvt, iki vhleha ha nan im ihisa tok puta ka ai ahlicha
chi kak atok oke, achi lishke.
9 Micha yohmi ho Chentail vhleha hvt ilap isht i nuk-
haklo tok ak o Chihowa ya holitobla hi atok oke; holihiso
kvt, Ilvppak atuk mak o Chentail vhleha ha ibai achvfvt chi
aiokpahanchi la he; micha chi hohchifo ha isht talohowa la
hi oke, achi hatok oka.
10 Micha anonti Chentail hvchia hvt vm okla vhleha ha
hvsh ibai okpahanchashke, Chitokaka yvt achishke.
11 Micha anonti, Chentail moyuma kvt Chitokaka ya
hvsh aiokpahanchashke: micha okla moyuma kvt hvsh ai-
okpahanchashke, achishke.
12 Micha anonti Chesse ak o isht atiaka yosh ahanta he,
micha yvmmak fehna hosh Chentail okla ha i shahlit mikot
wakaya hi oke: yvmmak o Chentail okla hvt anukchieta hi
oke, Esaias vt achishke.
13 Yohmi ka ai okchayvt bilia ya pisa he ai ahni ya in
Chihowa yak osh isht ai yimmit ai isht it i nanaiya, micha
ai isht il aiyukpa moyuma ka hvchi alotoli ho Shilombish
Holitopa nan isht ai ahli yak atuk pulla mak o ai okchayvt
bilia hvsh isha hi okvt, ai ahli fehnvt hvchi anukfoyukashke.
14 Micha itibapishi li hvchia hvt nana achukma bieka
hosh hvchi anukfoyukvt, nan ithana isht a hvchi alotowa ha-
tuk osh, nana ka hvsh it i miha he bieka ak inli ka, vno ak
inli kvt hvchi yimmi li ak inlishke.

15 Yohmi ak inli kia itibapishi li vhleha ma! Chihowa
ak osh isht i kana ya vma hatuk oka, ik sa nukwayo kvt isht
i shahli hosh isht hvsh ithana chi kak o, nana a kaniohmi
ka hvchi holissohonch lishke;
16 Yohmi hosh Chisvs Klaist nan isht im vtta yosh,
Chihowa im vbanumpa ha Chentail okla hak o isht im ahan-
ta la chi hatok; yohmi ho Chentail vt Shilombish Holitopa
yak o isht a kashofa hatuk o vba isht aiokpvchi ka ahnincha
hi atok oke.
17 Yvmohmi hoka nan okluyuha, Chihowa hvt isht pit
ahalaya ka Chisvs Klaist ak atuk pulla mak o, nana ka isht
ilauata la hi vt ieshi lishke.
18 Chihowa imi Shilombish nan isht ai ahli yak atuk
pulla mak o nan isht nukhlakancha, micha nan isht atoko-
wa yo nana ka isht ai yvmohmit anumpohonli li ho, Chen-
tail okvt im antia chi ka, Klaist vt isht a si atoksvli hatuk
keyu hokvno nana ai yvmohmi tuk ash achvfa kia isht anum-
puli la he keyu hoke.
19 Yvmohmi hosh Chelusalem, micha isht ai apakfoyu-
pvt Illilikvm a ont ai vhli itintakla ya Klaist im vbanumpa
ya ai ahli fehnvt isht ai anumpohonli li hatuk oke.
20 Ahli, yakohmi hosh intolahpi hatak inla immi pak-
naka yo ai ikbi li yoba n , ai ahni li kak osh kanima yo
Klaist vt isht ik ai anumpo hokvno vbanumpa ya isht ai
anumpohonli sa bvnna fehna chatuk oke.
21 Yohmi kia holihiso kvt, yvmmak o isht im anumpa
hatok keyu kia, okla pisa hi oke; micha okla yvmmvt haklo
hatok keyu kia, akostinincha hi oke, achi hatok oka.
22 Yohmi ka ilvppak atuk pulla kak o hvchim ona la hi
atok vt, isht a si ataklvma fehna ak inli hatuk oke.
23 Yohmi kia himonasi hokvno ilvppa ai anumpuli la hi
okvt ik svm iksho hatuk osh; micha hvchim ona sa bvn-
na fehna tok a himak a afvmmi hvt laua fehna hatuk
osh;
24 Kanima kash inli ho nowvt ayvt Ispani yoka chuko-
wa likmvt, hvchim ona la hi oke: yohmi kvt nowvt aya li
hokvt, ont hvchi pisa la he ai ahni li: micha bvchi pisvt

CHAPTA XVI.       509

kaniohmit vm vlhpiesa ha yokmvno, nowvt aya li kash acha-
kalit pit hvs sa pila he chishke, ai ahni lishke.
25 Yohmi kia himonasi hokvno vbanumpuli vhleha hak
o i hopela la chi hosh Chelusalem ak o ia la chishke.
26 Yohmi ka Masetonia, micha Akaia okla aiena kvt im
vlhpiesa hosh vbanumpuli ilbvsha Chelusalem ai asha ka
nan isht apelvchi kaniohmi ka i bohonli tuk oke.
27 Im vlhpiesa ai ahli fehna hosh yvmihchi tuk: yohmi
hatuk o im aheka vhleha hokvt. Yohmi ka Chentail okla
hvt nana Shilombish immi puta ka ibai ihishi toba hatuk
mvt, anonti nana haknip immi puta ka yvmma isht apelvcha
hi okvt im ai vlhpiesa ak inlishke.
28 Yvmohmi hoka ilvppa isht vttvt vm vlhtaha, micha
nan isht apehlvchi ilvppak ash o im ai ahlichi li ha yok mak
osh, hvchin tvmaha ha hlopullit Ispani yoka ont chukowa la
hi oke.
29 Micha hvchim ona likmvt, Klaist im vbanumpa ai
isht ilaiyukpa ai ahli fehna laua ka isht hvchim ona la hi
okvt, ithaiyana lishke.
30 Yohmi ka itibapishi li vhleha ma! Chitokaka Chisvs
Klaist ak atuk puyula, micha Shilombish ak atuk mak o
isht iti hullo yvt hvchi anukfoyuka hokvt, svbai yichina fehna
hosh anumpa ilbvsha Chihowa ya im anumpohonli kvt, isht
hvs si anumpohonlashke.
31 Yohmi ho ik yimmo vhleha Chutia ai asha ka ai i
hlakofi lashke: micha Chelusalem a nan i hopela la chi
ishi li kash vbanumpuli vhleha hash ot aiokpahanchashke.
32 Yohmi ho Chihowa nan ai ahni pulla ho nan isht
ilaiyukpa ya ieshit hvch im ona li hosh, nana ka hvch ibai
yuhukpa li hokbano.
33 Yohmi ka nan isht it i nanaiya in Chihowa yak osh
hvsh moyuma ka hvch iba foyukashke, Amen.

1 KLENKLEA chvch hikia ka nan isht im vtta, pin tek,
Febi ya hvsh aiokpancha he pit hvchim ai ahni lishke:
2 Yohmi hosh Chitokaka yak o ai achvfa hoka vbanum-
puli ai yvmohmi yak o chiyuhmit hvsh aiokpvchashke: mi-
cha nana hoh kia isht apelvcha hi a bvnna hokma, hvsh
apelashke: yohmi ka yvmmvt laua ka apelahanchi chatuk;
micha vno ak kia aieninchit si apelahanchi chatuk oke.
3 Klaist Chisvs a ibai achvfvt svb a toksahanli Akuila,
micha Plissilla ita tuklo ka hvsh aiokpvchashke.
4 Yvmmak okvt vm ilhfiopak ak atuk pulla kak o ilap
ikunla fehna ka aka ya bohonli tok: yvmmak oka vno ak
illa keyu, amba Chentail iksa hiohli puyuta aiena kvt yak
oke, im ai ahnishke.
5 Yvmmak ash chiyuhmit yvmma in chuka vbanumpuli
iksa maya ka hvsh aiokpvchashke. Epenetvs a holitopa
fehna, yvmmvt Klaist i yimmi kvt Akaia ya ai yvmohmit
nan vni vmmona hatok a hvsh aiokpvchashke.
6 Meli ya hvsh aiokpvchashke; yvmmak okvt pin tok-
sahanli fehna hatok oke.
7 A kanomi, micha svbai yuka Antonikvs, micha Chunia
itatuklo, yvmmak okvt vbanumpeshi vhleha ha i holitopa
yoka hvsh aiokpvchashke; yvmmak okvt sa tikba Klaist ai
ibai achvfa hatok mak oke.
8 Amplias Chitokaka ya ai achvfa a holitopa ya hvsh
aiokpvchashke.
9 Vlbani Klaist ai achvfvt piba toksahanli, Stakvs a
holitopa aiena ka hvsh aiokpvchashke.
10 Apelles, Klaist vt ahninchi ya hvsh aiokpvchashke.
Alistobulvs in chuka chvfa ai achvfa ka hvsh ai okpv-
chashke.
11 A kanomi Helotion a hvsh aiokpvchashke. Nasissvs
in chuka chvfa Chitokaka ai achvfa ka hvsh aiokpvchashke.
12 Tiaifina, micha Tlaifosa itatuklo, Chitokaka in toksa-
hanli ya hvsh aiokpvchashke. Pasis holitopa, yvmmvt

CHAPTA XVI.       511

Chitokaka ya in toksahanli fehna chatuk a, hvsh aiokpv-
chashke,
13 Lufvs Chitokaka im vlhtoka, micha ishki, micha yvm-
mvt vshki ya hvsh aiokpvchashke.
14 Asinklitvs, Flekon, Hemas, Patlobvs, Hemes, micha
il itibapishi vhleha hvt yvmma apehvt maya aiena ka hvsh
aiokpvchashke.
15 Filolokvs, micha Chulia, Nelevs, micha in tek, micha
Olimpas, micha vbanumpuli yvmma apehvt maya aiena ka
hvsh aiokpvchashke.
16 It i suksowa holitopa yo isht hvsh it aiokpvchashke.
Klaist in chvch vhleha hokvt hvchi aiokpvchishke.
17 Yohmi ka itibapishi li vhleha ma! nan vlbvchi hvsh
ithvna kash i sanalit isht it i filvmmichi; micha isht ibetv-
blichi aiena ihikbi hokvno, yakohmi hvsh ahni pulla cha,
hvch ik ahalaiyo kashke.
18 Yohmi ka ilvppa chiyuhmi puta hokvto Chitokaka
Chisvs Klaist ak o in toksvli keyu hoke, amba ilap ikfoka
yak inli hoke: mikmvt anumpa achukma puta, micha isht
ahninchi anumpa puta aiena kak o nuktvhlvt ahah! ik ahno
chukvsh puta ka isht haksichi hoke.
19 Yohmi ka isht hvsh im antia yokvt hatak moyuma ka
im anohowa hoke: yvmohmi hoka hvchishno yak atuk pulla
kak o sai yukpvshke: yohmi ak inli kia nana achukma kak
o hvch imponna cha, nan ik achukmo hokvno ik hvch im-
ponno hok bano hvchim ai ahni lishke.
20 Mikma nan isht it i nanaiya in Chihowa yak osh Se-
tan oka chekosikma chiyi nuta ya a litola chi hoke. Pin
Chitokaka Chisvs Klaist isht i kana yvt hvchi anuk foyu
kashke. Amen.
21 Timohlivs svba toksvli, micha Lusivs, micha Cha-
son, micha Sosipata a kanomi aiena kvt pit hvchi aiokpv-
chishke.
22 Tetivs sia holisso ilvppa holissohonchi kash ot Chi-
tokaka ibai achvfa hvchia ha pit hvchi aiokpvchi lishke.
23 Vno, micha chvch moma aiena ka nan im atahli
Kaivs ash ot pit hvchi aiokpvchishke. Elastvs, tvmaha in

tvli holisso sholi, micha il itibapishi Katvs aiena kvt pit
hvchi aiokpvchishke.
24 Pin Chitokaka Chisvs Klaist isht i kana yvt hvsh
moyuma ka hvchi anukfoyukashke. Amen.
25 Yohmi cha Chisvs Klaist vt nan abahanchi tok vm
vbanumpa ak atuk na luma ituyula chatuk yakni toba tok
itin takla ka isht ik anumpo chatuk osh isht anuhumpa ak
atuk puyula mak o isht a hvchim ai ahlicha he im ai vlhpiesa
hatuk,
26 Micha Chihowa okchayvt bilia yvt nan apihisa hatuk
mak o hopaii vhleha hvt holissohonchi tok o, oklushi moyu-
ma kvt na yimmit isht im antia chi mak o, im otaiyani hatok:
27 Chihowa hopoyuksa achvfa bano kash ot Chisvs
Klaist ak atuk pulla kak o isht a holitopa yvt immit biliash-
ke. Amen.